محکمہ موسمیات نے خوشخبری سنا دی

کراچی میں گرمی کی لہر کا خاتمہ

کراچی (ڈیلی پاکستان آن لائن) محکمہ موسمیات کا کہنا ہے کہ شہر قائد میں گرمی کی لہر کا امکان ختم ہوگیا ہے۔

یہ بھی پڑھیں: وزیرستان میں پاک فوج اور خوارج کے مابین فائرنگ کا تبادلہ، لیفٹیننٹ کرنل اور 5 جوان شہید

دھوپ اور دھند کی صورتحال

محکمہ موسمیات کے مطابق صبح کے وقت شہر کی فضاؤں پر دھند چھاسکتی ہے، جس کے نتیجے میں حد نگاہ جزوی طور پر متاثر ہونے کی توقع ہے۔ منگل کو بھی صبح کے وقت دھند چھانے کا امکان ہے۔

یہ بھی پڑھیں: کوئٹہ دھماکا: وزیراعظم شہبازشریف، وزیرداخلہ اوربلاول بھٹو کی شدید مذمت

درجہ حرارت کی پیش گوئی

چیف میٹرولوجسٹ کراچی سردار سرفراز کے مطابق اگلے کئی روز تک شہر میں زیادہ سے زیادہ درجہ حرارت 33 تا 35 ڈگری جبکہ درمیان میں پارہ 36 تک بھی تجاوز کرسکتا ہے۔ تاہم اب گرمی کی کسی لہر کے امکانات نہیں ہیں۔

خنکی کا آغاز

ان کا کہنا ہے کہ رواں ماہ کے وسط سے صبح و رات کے اوقات میں خنکی کا سلسلہ شروع ہوجائے گا۔ محکمہ موسمیات کے مطابق اتوار کو شہر کا زیادہ سے زیادہ درجہ حرارت 34.9 ڈگری جبکہ ہوا میں نمی کا تناسب 52 فیصد رہا۔ دیہی سندھ کے شہید بے نظیرآباد میں پارہ 38.5 ڈگری ریکارڈ ہوا۔