سموگ کا مسئلہ ، وزیر اعلیٰ مریم نواز کی کوششوں پر بھارتی اخبار کا “جواب ” آ گیا

سموگ کا مسئلہ

لاہور ( نیوز ڈیسک) سموگ کا مسئلہ، وزیر اعلیٰ پنجاب مریم نواز کی کوششوں پر بھارتی اخبار کا "جواب" آ گیا۔

یہ بھی پڑھیں: جنسی اسکینڈل؛ ترکیہ کی خاتون فٹ بال ریفری اور سینیئر عہدیدار معطل

ماحولیاتی مسائل پر فوری کارروائی کی ضرورت

تفصیلات کے مطابق بھارتی اخبار کا کہنا ہے کہ مریم نواز کی ماحولیاتی مسائل سے نمٹنے کی کوشش فوری ایکشن طلب ہیں۔ بھارت اور پاکستان کو سموگ کے خلاف اکٹھا ہونے کی ضرورت ہے، فضائیں سرحد پار آلودگی پھیلا رہی ہیں۔ اجتماعی اقدامات کیے جائیں، مل کر کام کرنے سے ماضی نہیں بدلے گا، لیکن آنے والی نسلیں سنور جائیں گی۔

یہ بھی پڑھیں: سونے کی قیمت میں اچانک انتہائی بڑا اضافہ

بھارتی اخبار کا مؤقف

بھارتی اخبار "انڈین ایکسپریس" نے اپنے مضمون میں لکھا کہ بھارت اور پاکستان کو سموگ کے خلاف کیوں اکٹھا ہونا چاہیے؟ فطرت قومی سرحدوں کا احترام نہیں کرتی، فضائی سرحدوں کے پار آلودگی پھیلا رہی ہیں۔ اجتماعی کارروائی، جیسے کہ ڈیٹا کا اشتراک، مشترکہ منصوبے اور ٹیکنالوجی کا اشتراک ماحولیاتی مسائل سے نمٹنے میں مدد کر سکتا ہے۔

یہ بھی پڑھیں: گوگل پر دو بلین پاؤنڈ کا جرمانہ لگوانے والا جوڑا: ’ہمیں انٹرنیٹ سے غائب کر دیا گیا‘

مریم نواز کی مشترکہ کوششوں کی اہمیت

"جنگ" کے مطابق بھارتی اخبار نے لکھا کہ پنجاب کی وزیر اعلیٰ مریم نواز نے خطے میں بڑھتی ہوئی آلودگی اور سموگ سے نمٹنے کے لیے بھارت کے ساتھ مشترکہ کوششوں پر زور دیا۔ برصغیر میں ماحولیاتی مسائل سے نمٹنے کے لیے مریم نواز کی کوششیں فوری ایکشن طلب ہیں۔

سرحدی مسائل اور ماحولیاتی اثرات

موسمیاتی تبدیلیوں کے مسائل سے نمٹنے کی کوششیں کی گئیں مگر سب سے بڑی رکاوٹ بڑے پیمانے پر سرحدی مسائل ہیں۔ دونوں اطراف ماحولیاتی مسائل بہت زیادہ ٹھوس شکل اختیار کر گئے ہیں اور لاکھوں کی زندگیوں کو متاثر کر رہے ہیں۔ رواں برس فصلوں کی باقیات کو جلانے اور دیوالی جیسے تہواروں نے فضائی آلودگی کی سطح میں اضافہ کیا۔ بھارت اور پاکستان کے کئی شہر 6 بڑے ایئر شیڈز میں گھرے ہیں، ایئر شیڈ ایسا علاقہ ہے جہاں فضائی آلودگی جیسے کہ ذرات، گیسیں اور کیمیکلز جمع ہوتے ہیں۔ دہلی اور لاہور بھی ان ایئر شیڈز میں آتے ہیں اور دوسرے خطوں میں آلودگی میں اضافے سے متاثر ہوتے ہیں۔