سموگ کے باعث متعدد شہروں میں سکول 17 نومبر تک بند کردیئے گئے

سموگ کا بحران

لاہور(ڈیلی پاکستان آن لائن) پنجاب میں بڑھتی سموگ کی وجہ سے سرکاری و نجی دفاتر کا نصف عملہ ورک فرام ہوم کرے گا جب کہ کئی شہروں میں سکول بھی بند کر دیئے گئے ہیں۔

یہ بھی پڑھیں: البیک پاکستان میں آ رہا ہے، پاکستان کتنا حلال گوشت ملائشیا کو بھیجے گا؟ کتنے لاکھ ٹن چاول پاکستان سے برآمد ہوگا؟ ایس سی او سمیٹ گیم چینجر

تعلیمی اداروں کی بندش

نجی ٹی وی چینل ایکسپریس نیوز کے مطابق صوبے میں سموگ اور فضائی آلودگی میں اضافے کے سبب لاہور، گوجرانوالہ، فیصل آباد اور ملتان میں ہائرسکینڈری سکول 17 نومبر تک بند کردیئے گئے ہیں۔ اسی طرح سرکاری اور نجی دفاتر کا 50 فیصد عملہ ورک فرام ہوم کرے گا اور سرکاری میٹنگز بھی آن لائن ہوں گی۔

یہ بھی پڑھیں: مریم نواز سے بیلجیئم کے سفیر کی ملاقات، دوطرفہ تعلقات کو مزید مضبوط بنانے پر اتفاق

صوبائی وزیر کا اعلامیہ

سینئر صوبائی وزیر مریم اورنگزیب نے سموگ کی شرح میں خطرناک حد تک اضافے کے باعث لاہور سمیت پنجاب کے متاثرہ دیگر اضلاع میں ہائرسکینڈری سطح تک کے سرکاری اور نجی تعلیمی ادارے 17 نومبر تک بند کرنے کا اعلان کیا ہے۔ انہوں نے کہا کہ تعلیمی ادارے بچوں کیلئے آن لائن سٹڈی کا انتظام کریں گے۔

یہ بھی پڑھیں: لاہور میں سموگ، قائداعظم ٹرافی کے میچز دیگر شہروں میں منتقل

سموگ کی وجوہات

پریس کانفرنس کرتے ہوئے مریم اورنگزیب نے کہا کہ فصلوں کی باقیاتِ جلانے سے سموگ میں اضافہ ہو رہا ہے۔ پلاسٹک بیگ پر پابندی ہے مگر خلاف ورزی ہو رہی ہے۔ پرائمری سطح تک بچوں کو اسکولوں میں چھٹیاں دیں لیکن والدین بچوں کو لے کر شاپنگ مالزاور تفریح گاہوں میں جارہے ہیں۔ انہوں نے کہا کہ آج سے ماسک کا استعمال لازمی کردیا گیا ہے۔

یہ بھی پڑھیں: بڑھتی ہوئی سموگ میں سانس لینا مشکل، متحدہ عرب امارات نے پاکستان کو بڑی پیشکش کردی

ماحولیات کی صورتحال

مریم اورنگزیب نے کہا کہ بھارتی ریاست راجستھان اور دیگر اضلاع سے آنے والی ہواؤں نے ملتان اور گوجرانوالہ کو متاثر کیا ہے۔ لاہور میں آج ایئرکوالٹی انڈکس ایک ہزار سے اوپر ریکارڈ کیا گیا، آئندہ 10 روز تک سموگ کی شدت رہے گی۔

یہ بھی پڑھیں: پی ٹی آئی احتجاج: سینیٹر شیری رحمان کی گاڑی پر حملہ ہوا

دفاتر کی عملہ کی تبدیلی

سینئر وزیر نے کہا کہ سرکاری اور نجی دفاتر کا 50 فیصد عملہ ورک فرام ہوم کریگا۔ تمام سرکاری میٹنگز اب زوم پر ہوں گی۔ سموگ کے تدارک کیلئے تمام محکموں کو اہداف دے دیئے گئے ہیں۔ ادارہ تحفظ ماحولیات کے آفس میں سموگ وار روم قائم کیا گیا ہے جہاں فضائی آلودگی کو مانیٹر کیا جارہا ہے۔

یہ بھی پڑھیں: عالمی یوم ڈاک، وزیر اعلیٰ پنجاب کا محکمہ ڈاک کے ملازمین کو خراج تحسین

مریم نواز شریف کا صحت کا حال

ایک سوال کے جواب میں مریم اورنگزیب نے کہا کہ مریم نواز شریف نے گزشتہ برس گلے کی سرجری کروائی تھی تاہم 6 ماہ قبل دوبارہ انفیکشن پیدا ہوا، وہ آج جنیوا پہنچیں گی، جہاں ان کے معالج علاج کریں گے اور پھر 12 نومبر کو وزیراعلیٰ مریم نواز شریف واپس پاکستان آئیں گی۔

عوام کی خدمت

انہوں نے کہا کہ مریم نواز شریف نے طبیعت کی خرابی کے باوجود پنجاب کے عوام کی خدمت جاری رکھی۔ یہ تاثر درست نہیں کہ وہ سموگ کی وجہ سے لندن گئی ہیں۔