کراچی میں میاں بیوی شرمناک جرم کرتے رنگے ہاتھوں گرفتار

کراچی میں منشیات فروشوں کی گرفتاری

کراچی (ڈیلی پاکستان آن لائن) سچل پولیس نے ایک کروڑ روپے سے زائد مالیت کی آئس اور ہیروئن برآمد کر کے میاں اور بیوی سمیت 3 منشیات فروشوں کو گرفتار کرلیا۔

یہ بھی پڑھیں: متیھرا نے مبینہ نازیبا ویڈیوز وائرل ہونے پر رد عمل جاری کر دیا

گرفتار ملزمان کی تفصیلات

نجی ٹی وی ایکسپریس نیوز کے مطابق ایس ایچ او سچل اورنگزیب خٹک کے مطابق گرفتار ملزمان کی شناخت میر ہزار، اس کی بیوی کزبانو اور سفر کے نام سے کی گئی ہے۔ ان کے قبضے سے 1140 گرام آئس اور 510 گرام ہیروئن برآمد ہوئی ہے، جس کی بین الاقوامی مارکیٹ میں قیمت ایک کروڑ سے زائد بتائی جاتی ہے۔

گرفتاری کا مقام

ملزمان کو خفیہ اطلاع پر مین روڈ گوالیار سوسائٹی سپر ہائی وے سے گرفتار کیا گیا ہے۔ گرفتار ملزمان برآمد کی جانے والی منشیات کو شہر کے مختلف علاقوں میں سپلائی کرنے کا ارادہ رکھتھے تھے۔