پی آئی اے کس طرح برباد ہوئی؟ آڈیٹر جنرل پاکستان کی 10 سالہ رپورٹ میں تہلکہ خیز انکشافات
پی آئی اے کی منظم لوٹ مار
لاہور (ویب ڈیسک) قومی ائیر لائن پی آئی اے کو بڑی بے دردی اور بے رحمی کے ساتھ بڑے ہی منظم طریقے سے لوٹا گیا، جہازوں کو لیز پر لینے اور بعد ازاں انہی جہازوں کو خریدنے سے لے کر ان کے مختلف اسپئر پارٹس اوپن مارکیٹ سے خریدنے کے بجائے ایجنٹس کے ذریعے خریدنے اور ٹریولر ایجنٹوں کی ملی بھگت سے ڈمی بکنگ اور ریفنڈز کی مد میں کروڑوں نہیں بلکہ اربوں روپے کا نقصان پہنچایا گیا۔
یہ بھی پڑھیں: اسلام آباد ایئرپورٹ پر مسافر سے تقریباً ڈیڑھ کلو آئس برآمد، کہاں چھپا رکھی تھی؟ جانئے
آڈیٹر جنرل کی رپورٹ میں انکشاف
نجی ٹی وی ایکسپریس نیوز کے مطابق اس امر کا انکشاف آڈیٹر جنرل پاکستان کی رپورٹ میں کیا گیا جبکہ نامی گرامی آڈٹ فرم انٹرنل اڈٹ میں ان فراڈ کو پکڑنے میں ناکام رہی۔ سال 2007ء سے لے کر سال 2017ء تک کے دس سال کے آڈٹ میں ایسے ایسے فراڈ سامنے آئے ہیں کہ پی آئی اے کی موجودہ انتظامیہ بھی حیران و پریشان ہے کیونکہ فراڈ کرنے والے آج بھی پُرکشش اعلی عہدوں پر فائز ہیں۔
یہ بھی پڑھیں: اس کے چہرے کا غصہ اور منہ سے پھوٹتی گالیاں بہت لطف دیتی ہیں، ہار ہار تھی، اسے حسب دستور بوتلیں پلانا پڑیں اس دور میں ٹھنڈی بوتل 2 روپے کی تھی۔
ڈمی سیٹوں کی بکنگ
پی آئی اے میں مخصوص ٹریول ایجنسیوں کی ملی بھگت سے ڈمی سیٹوں کی بکنگ کرکے اندرون اور بیرون ممالک جانے والی پروازوں میں سیکڑوں سیٹیں خالی رکھی گئیں کہ ٹریول ایجنٹس انہیں فروخت کر لے گا۔ ٹریول ایجنٹس ڈمی بکنگ کر کے ظاہر کرتے کہ سیٹیں فل ہو چکی ہیں مگر فلائٹ جانے سے ایک گھنٹہ قبل پتا چلتا ہے کہ متعلقہ ٹریول ایجنٹس سیٹیں فروخت ہی نہیں کرسکا اور آدھا آدھا جہاز خالی گیا۔
یہ بھی پڑھیں: سورۃ الناس پڑھنا شروع کی تو جن فوراً بولا کہ پڑھنا بند کرو، ثاقب ثمیر نے خوفناک واقعہ سنا دیا
ریفنڈز کا دھندہ
سال 2011ء سے لے کر سال 2017ء تک 8 ہزار 800 ٹکٹیں 45 ہزار بار ریفنڈز ہوئیں یعنی ایک ٹکٹ ایوریج پانچ بار ریفنڈز ہوا۔ جہازوں کو لیز پر لیتے وقت 75 ملین ڈالر کا کرایہ زائد ادا کیا گیا جبکہ یہی جہاز دیگر ائیر لائنز نے اس سے بھی کم قیمت پر لیز پر لیے۔
یہ بھی پڑھیں: پاکستان آنے کے لیے اصول دنیا کے لیے وہی افغان شہریوں کے لیے بھی ہیں: طلال چودھری
انٹرنل آڈٹ کی ناکامی
آڈیٹر جنرل کی رپورٹ میں یہ بھی بتایا گیا ہے کہ انٹرنل آڈٹ کرنے والی معروف و نامی گرامی آڈٹ فرموں نے بھی غفلت کا مظاہرہ کیا۔ سب سے زیادہ قصوروار پی آئی اے کے انجینئر ڈیپارٹمنٹ کو ٹھہرایا گیا ہے جس نے جہازوں کے اسپئیر پارٹس، جہازوں کی لیز اور بعد ازاں ان کو خریدنے کے معاملے میں جان بوجھ کر ملی بھگت کر کے ایسے طیارے بھی خریدے اور لیز پر لیے جو قابل استعمال نہیں تھے۔
یہ بھی پڑھیں: سانحہ 12 مئی کو 18 سال گزر گئے، ذمہ دار آج تک قانون کی گرفت سے باہر
بوئنگ ٹرپل سیون کا معاملہ
بوئنگ ٹرپل سیون (777) کی ایوریج عمر 30 سال ہے یعنی کہ 30 سال تک اسے استعمال کیا جا سکتا تھا، مگر یہ طیارے 10 سے 12 سال اور حد سے حد 14 سال بعد ہی ناکارہ ہو گئے۔ اس پر بھی کسی سے باز پرس نہیں کی گئی۔ پی آئی اے کے خسارے میں جانے کی سب سے بڑی وجہ پی آئی اے کی مالی کرپشن ہے۔ پی آئی اے میں گولڈن ہینڈ شیک دے کر ساڑھے تین سے چار ہزار ملازمین کو فارغ کر دیا گیا مگر پی آئی اے آج بھی خسارے میں ہے۔
یہ بھی پڑھیں: میلبرن میں بابر اعظم کی دوبارہ آمد کا انتظار: سمیع چوہدری کا کالم
سابق آڈیٹر جنرل کا بیان
پی آئی اے کے سابق آڈیٹر جنرل اشتیاق رضوی نے ایکسپریس نیوز سے گفتگو کرتے ہوئے بتایا کہ جب انہوں نے پی آئی اے میں فراڈ پکڑنے کی کوشش کی تو انہیں تبدیل کر دیا گیا۔ پی آئی اے کے افسران کی اپنی کمپنیاں ہیں یا وہ ان کمپنیوں کے خفیہ ایجنٹ ہیں اور ان کمپنیوں کو فائدہ پہنچا کر لاکھوں کروڑوں روپے کک بیک کی مد میں حاصل کرتے ہیں۔
حل کے امکانات
ایک جہاز کے ایک ہی پارٹ کو دس دس بار تبدیل کیا جاتا رہا ہے اور اوپن مارکیٹ کے بجائے مخصوص کمپنیوں سے ہی پارٹس خریدے جاتے رہے۔ پی آئی اے کو فروخت کرنے کے بجائے ان لوگوں سے ریکوری کی جائے اور اچھے اور باصلاحیت افسران کو تعینات کیا جائے تو پی آئی اے دو سال میں ہی اپنے پاؤں پر کھڑی ہو جائے گی۔
