بھارتی کرکٹر کی میچ کے دوران موت ہو گئی

پونے میں افسوسناک واقعہ

پونے (ڈیلی پاکستان آن لائن) بھارت کے شہر پونے میں 35 سالہ کرکٹر بیٹنگ کے دوران دل کا دورہ پڑنے سے انتقال کر گیا۔

یہ بھی پڑھیں: بینک آف پنجاب اور ایکزونوبل کے مابین لاہور کے ثقافتی رنگوں کو اجاگر کرنے کیلئے معاہدہ

واقعہ کی تفصیلات

بھارتی میڈیا کے مطابق یہ افسوسناک واقعہ جمعرات کو پونے کے گارویئر اسٹیڈیم میں ایک کرکٹ میچ کے دوران پیش آیا۔ رپورٹ میں بتایا گیا کہ عمران پٹیل اوپننگ بیٹر کے طور پر بیٹنگ کرنے آیا تو کچھ وقت پچ پر گزارنے کے بعد وہ سینے اور بازو میں درد کی شکایت کرنے لگا۔

یہ بھی پڑھیں: کرائم کنٹرول ڈیپارٹمنٹ کے 36 نئے تھانے قائم، جرائم کی روک تھام میں مدد ملے گی

ایمرجنسی کی حالت

عمران نے امپائرز کو اپنی طبیعت کی خرابی کے بارے میں آگاہ کیا، جنہوں نے اسے میدان سے باہر جانے کی اجازت دی۔ تاہم، پویلین کی جانب واپس جاتے ہوئے عمران اچانک گر کر بے ہوش ہو گیا۔ یہ پورا منظر کیمرے میں قید ہوگیا کیونکہ میچ کی لائیو اسٹریمنگ جاری تھی۔

یہ بھی پڑھیں: امریکی انتخابات میں کامیابی کے لیے پرعزم پاکستانی نژاد امیدوار: ‘گیس سٹیشن سے امریکی ریاست تک کا سفر’

فوری مدد

بھارتی میڈیا کے مطابق عمران کے گرنے کے بعد میدان میں موجود دیگر کھلاڑی فوراً اس کی مدد کو پہنچے اور اسے فوری طور پر اسپتال لے جایا گیا لیکن ڈاکٹروں کی جانب سے عمران کو مردہ قرار دے دیا گیا۔

رشتہ داروں کا صدمہ

عمران کے ساتھی کھلاڑی ناصر خان نے بھارتی میڈیا کو بتایا کہ اسے کوئی بیماری نہیں تھی اور وہ بالکل صحت مند تھا، اس کی اچانک موت سے ٹیم کے سب کھلاڑی گہرے صدمے میں ہیں۔ بھارتی میڈیا کے مطابق عمران کی 3 بیٹیاں ہیں، جن میں سب سے چھوٹی صرف 4 ماہ کی ہے۔