فیض حمید کے خلاف کارروائی 14 دسمبر سے پہلے شروع ہو جائے گی، فیصل واوڈا کا دعویٰ

فیصل واؤڈا کی ایم کیو ایم قیادت سے ملاقات

کراچی(ڈیلی پاکستان آن لائن) سینیٹر فیصل واؤڈا نے کہا ہے کہ پی ٹی آئی والوں کو بتا دوں کہ فیض حمید کے خلاف کارروائی 14 دسمبر سے پہلے شروع ہو جائے گی، پی ٹی آئی اگر حرکتیں صحیح کرلے تو اچھی بات ہے۔

یہ بھی پڑھیں: طورخم بارڈر پر تجارتی راہداری بحالی کرنے کی تیاریاں، گاڑیوں کی کلیئرنس کے لیے سکینر ٹرمینل پہنچا دیے گئے

ملاقات کی تفصیلات

انہوں نے کراچی میں ایم کیو ایم کے مرکز بہادرآباد آکر چیئرمین ایم کیو ایم ڈاکٹر خالد مقبول سے ملاقات کی ہے۔ ملاقات میں ایم کیو ایم کے رہنما مصطفیٰ کمال، انیس قائمخانی، امین الحق اور دیگر رہنما شریک تھے۔ ملاقات کے بعد فیصل واؤڈا، خالد مقبول اور مصطفیٰ کمال نے میڈیا سے گفتگو بھی کی۔

یہ بھی پڑھیں: ضمنی انتخابات سے متعلق فافن کی رپورٹ آ گئی

میڈیا سے گفتگو

میڈیا سے گفتگو کرتے ہوئے فیصل واؤڈا نے کہا کہ تمام سیاسی پارٹیوں کے پاس جانے کا مقصد نیشنل کاز ہے، میں یہاں کسی مطلب سے نہیں آیا ہوں، میں دوستی اور دشمنی کھل کر نبھاتا ہوں۔ فیصل واؤڈا نے کہا کہ پاکستان کی معیشت میں سب کا کردار اہم ہے، میں اور مصطفیٰ کمال پیار سے بھی بات کرتے ہیں اور ہاتھ مروڑ کر بھی کام کروا سکتے ہیں۔

یہ بھی پڑھیں: روہت شرما کے بعد بھارتی ٹیم کا کپتان کون ہوگا؟ بھارتی کرکٹ بورڈ نے فیصلہ کر لیا

مختلف سیاسی جماعتوں کا مینڈیٹ تسلیم کرنا ہوگا

میں نے بلاول صاحب کو بتایا تمام سیاسی جماعتوں کا مینڈیٹ تسلیم کرنا ہوگا۔ انہوں نے کہا کہ روز دھرنا اور احتجاج پاکستان برداشت نہیں کرسکتا، بانی پی ٹی آئی کی زندگی کو خطرات ہیں، ان کی جان پر سیاست کرنے کی کوشش کی جارہی ہے۔

یہ بھی پڑھیں: نعمان اعجاز سے کوئی مسئلہ نہیں بس اس سے شدید نفرت کرتا ہوں: خلیل الرحمان قمر

قربانی اور اتحاد کی اہمیت

فیصل واؤڈا نے کہا کہ میں نے بھی قربانی دی اور ایم کیو ایم نے بھی قربانی دی ہے، میں تمام سیاسی و مذہبی جماعتوں کے پاس جاؤں گا، ہم ایک مشکل صورتحال سے نکل رہے ہیں۔ فیصل واؤڈا نے کہا کہ پاکستان کو آگے بڑھانے کے لیے سب کو اپنا حصہ ڈالنا ہوگا، سب کا مینڈیٹ تسلیم کرنا ہوگا، ہمیں بانی پی ٹی آئی کے مینڈیٹ کو تسلیم کرنا ہوگا۔

یہ بھی پڑھیں: امریکہ اور ایران کو جنگ بندی کا منصوبہ موصول، فیلڈ مارشل گزشتہ رات امریکی اور ایرانی حکام سے مسلسل رابطے میں رہے: رائٹرز

مصطفیٰ کمال کا موقف

اس موقع پر مصطفیٰ کمال نے کہا کہ ہمارے دوست فیصل واؤڈا ہمارے مرکز آئے ہیں، انہوں نے ایم کیو ایم سے میٹنگ کی ہے، ان کا تعلق اس شہر سے ہے، یہ ون مین آرمی ہیں۔ مصطفیٰ کمال نے کہا کہ یہ ہر طرف چھائے ہوئے ہیں اور اس بات پر ہم فخر کرتے ہیں، ہم نے دیکھا ہے فیصل واؤڈا تمام پارٹیوں کے پاس گئے ہیں اور آج یہ ایم کیو ایم کے پاس آئے ہیں۔

ایم کیو ایم کی ضرورت

مصطفیٰ کمال نے کہا کہ ایم کیو ایم ایک طاقت اور ایک جماعت ہے، ہمیں ہمارا شیئر نہیں دیا جارہا ہے، کوئی کامن ایجنڈا ہونا چاہیے، فیصل واؤڈا سب کو یکجا کرنے کا کام اکیلے کر رہے ہیں۔