محکمہ ریلوے کا انوکھا فیصلہ، خوشحال خان خٹک ایکسپریس کی کراچی سے روانگی منسوخ کردی

کراچی سے خوشحال خان خٹک ایکسپریس کی روانگی کا خاتمہ

لاہور (آئی این پی) ریلوے انتظامیہ نے 5 سال بعد چلائی جانے والی خوشحال خان خٹک ایکسپریس سے متعلق ایک غیر معمولی فیصلہ کرتے ہوئے اس کی کراچی سے روانگی کا سلسلہ ختم کر دیا ہے۔ رپورٹ کے مطابق ریلوے انتظامیہ نے خوشحال خان خٹک ایکسپریس کی کراچی سے روانگی منسوخ کر دی ہے۔

یہ بھی پڑھیں: محفوظ جیل منصوبہ ، پنجاب کی 43 جیلوں میں 9ہزار سے زائدجدید کیمرے نصب کرنے کا فیصلہ

نیا فیصلے اور مسافروں کے لیے متبادل انتظامات

اس حوالے سے ریلوے انتظامیہ کا کہنا ہے کہ خوشحال خان خٹک ایکسپریس کو کوٹری سے چلانے کا فیصلہ کیا گیا ہے۔ کراچی سے سفر کرنے والے مسافروں کو خیبر میل اور سکھر ایکسپریس کے ذریعے کوٹری پہنچایا جائے گا۔ دھابیجی سے خوشحال خان خٹک ایکسپریس کے مسافروں کو سکھر ایکسپریس اور خیبر میل میں بٹھایا جائے گا۔ خیبر میل اور سکھر ایکسپریس گزشتہ رات دھابیجی پر خصوصی اسٹاپ دے کر تاخیر سے روانہ ہوئے، جبکہ خیبر میل کو کوٹری پر بھی اسٹاپ دے کر روانگی میں تاخیر کی گئی۔ سکھر ایکسپریس کراچی سے دو گھنٹے کی تاخیر سے رات 2 بجے روانہ ہوئی، جبکہ خوشحال خان خٹک ایکسپریس کا کوٹری سے روانگی کا شیڈول 11 بج کر 10 منٹ ہے۔

یہ بھی پڑھیں: بلوچستان بار کونسل، بلوچستان ہائیکورٹ بار نے بھی 26ویں آئینی ترمیم کیخلاف سپریم کورٹ میں درخواستیں دائرکردیں

مسافروں کی مشکلات اور تاخیر

سکھر ایکسپریس کراچی سے خوشحال خان خٹک ایکسپریس کے مسافروں کو لے کر 5 بجے کوٹری پہنچے گی۔ کوٹری سے بھی خوشحال خان خٹک ایکسپریس کی روانگی میں اب تک 4 گھنٹے کی تاخیر ہو چکی ہے۔ خوشحال خان خٹک ایکسپریس اب کراچی سٹی کی بجائے کوٹری اسٹیشن سے روانہ ہوگی۔ کراچی کے مسافروں کو کوٹری اسٹیشن پر مخصوص نشستوں پر منتقل کیا جائے گا۔ ریلوے انتظامیہ کے مطابق مسافر کراچی سے کوٹری تک خیبر میل اور سکھر ایکسپریس پر سفر کریں گے، اور اس کے بعد خوشحال خان خٹک ایکسپریس کے ذریعے سفر جاری رہے گا.

مسافروں کی شکایات

دوسری جانب ٹرین کے مسافروں کا کہنا ہے کہ ریلوے انتظامیہ نے بغیر اطلاع کے خوشحال خان خٹک کا شیڈول تبدیل کر دیا ہے۔ مذکورہ ٹرین ایم ایل 2 کے خستہ ٹریک پر روزانہ 6 سے 10 گھنٹے تاخیر کا شکار ہو رہی ہے۔