سونے کی قیمت میں مزید اضافہ

سونے کی قیمت میں اضافہ

کراچی(ڈیلی پاکستان آن لائن) بین الاقوامی بلین مارکیٹ میں فی اونس سونے کی قیمت مزید 3 ڈالر کے اضافے سے 3 ہزار 244 ڈالر کی سطح پر آنے سے مقامی صرافہ مارکیٹوں میں بھی سونے کی قیمت میں اضافہ ہوگیا۔

یہ بھی پڑھیں: بونیر میں 14 سالہ لڑکے سے مبینہ زیادتی، پولیس افسر گرفتار، مقدمہ درج

مقامی صرافہ مارکیٹ کی قیمتیں

مقامی صرافہ مارکیٹ میں 24 قیراط کا حامل فی تولہ سونے کی قیمت 300 روپے کے اضافے سے 3 لاکھ 42 ہزار 800 روپے کی سطح پر آگئی اور فی 10 گرام سونے کی قیمت بھی 257 روپے بڑھ کر دو لاکھ 93 ہزار 895 روپے کی سطح پر آگئی ہے۔

چاندی کی قیمت میں کوئی تبدیلی نہیں

دوسری جانب فی تولہ چاندی کی قیمت بغیر کسی تبدیلی کے 3 ہزار 410 روپے اور 10 گرام چاندی کی قیمت بھی بغیر کسی تبدیلی کے 2 ہزار 923 روپے کی سطح پر مستحکم رہی۔