اسحاق ڈار کی دورہ چین کے دوران چینی وزیر خارجہ سے اہم ملاقات، دو طرفہ تعلقات پر تبادلہ خیال

اسلام آباد میں ملاقات

اسلام آباد (ڈیلی پاکستان آن لائن) دفتر خارجہ کے ترجمان نے کہا کہ وزیرِ خارجہ اسحاق ڈار نے چینی وزیرِ خارجہ سے ملاقات کی، جس میں جنوبی ایشیاء کی صورتِ حال اور دوطرفہ تعلقات پر تبادلہ خیال ہوا۔

یہ بھی پڑھیں: کراچی: بلدیہ ٹاون میں واٹر ٹینکر کی ٹکر سے 4 سالہ بچہ جاں بحق

چین کے تعاون پر شکریہ

ترجمان نے کہا کہ اسحاق ڈار نے پاکستان کی خود مختاری کے دفاع پر چین کے تعاون کا شکریہ ادا کیا۔ پاکستان چین کے کلیدی مفادات پر مکمل حمایت جاری رکھے گا۔ اس موقع پر گفتگو کرتے ہوئے وزیرِ خارجہ اسحاق ڈار نے کہا کہ مسئلہ کشمیر کا حل علاقائی امن کےلیے ناگزیر ہے۔

یہ بھی پڑھیں: کیا حمزہ علی عباسی اب پی ٹی آئی کے ساتھ نہیں؟

چین کا پاکستان سے تعلقات کے بارے میں بیان

چینی وزیرِ خارجہ چین وانگ ای نے کہا کہ چین پاکستان کا آہنی بھائی اور اسٹریٹجک پارٹنر ہے۔ چین پاکستان کے ساتھ تعلقات کو نئی بلندیوں تک لے جانا چاہتا ہے، اور پاکستان کی خود مختاری اور ترقی کے سفر کی حمایت جاری رکھے گا۔

یہ بھی پڑھیں: انڈر19 ایشیا کپ؛ بنگلہ دیش نے سیمی فائنل میں پاکستان کو شکست دیدی

دوطرفہ تعلقات پر اطمینان

ترجمان دفتر خارجہ نے کہا کہ دونوں وزرائے خارجہ نے دو طرفہ تعلقات پر اطمینان کا اظہار کیا۔ تجارت، سرمایہ کاری، زراعت اور صنعت کے شعبوں میں تعاون بڑھانے پر اتفاق ہوا۔ سی پیک فیز ٹو کی پیشرفت پر دونوں رہنماؤں نے اطمینان کا اظہار کیا۔

سی پیک اور مشترکہ کوششیں

ترجمان کا کہنا تھا کہ سی پیک میں تھرڈ پارٹی شمولیت کے نئے مواقع پر بھی گفتگو ہوئی۔ علاقائی ترقی، امن اور استحکام کےلیے مشترکہ کوششوں پر اتفاق ہوا ہے۔ دونوں ممالک نے قریبی روابط اور تعاون جاری رکھنے پر اتفاق کیا۔