غیرقانونی غیر ملکیوں اور افغان شہری کارڈ ہولڈرز کی باعزت وطن واپسی کا عمل جاری

افغان مہاجرین کی وطن واپسی کا عمل

خیبر (ڈیلی پاکستان آن لائن) پاکستان میں غیر قانونی، غیر ملکی اور افغان سٹیزن کارڈ ہولڈرز کی باعزت وطن واپسی کا عمل جاری ہے۔ اس کے تحت اب تک 5 لاکھ 50 ہزار سے زائد افغان شہری وطن واپس جا چکے ہیں۔

یہ بھی پڑھیں: حکومت نے 4300 بھکاریوں کے نام ای سی ایل میں ڈال دیے

خیبر پختونخوا میں واپسی کا عمل

نجی ٹی وی جیو نیوز کے مطابق خیبر پختونخوا میں غیر قانونی غیر ملکی اور افغان سٹیزن کارڈ کے حامل افغان مہاجرین کی وطن واپسی کا عمل روزانہ کی بنیاد پر جاری ہے، جس کے تحت سینکڑوں افغان شہریوں کو افغانستان روانہ کیا جا رہا ہے۔

یہ بھی پڑھیں: کراچی: گلستان جوہر سے فتنہ الخوارج کا مطلوب دہشت گرد دوست محمد گرفتار

اعداد و شمار

محکمہ داخلہ خیبرپختونخوا کے مطابق یکم اپریل 2025 سے اب تک 1500 افغان مہاجرین کو افغانستان بھیجا جا چکا ہے، جبکہ گزشتہ 2 سالوں کے دوران مجموعی طور پر 5 لاکھ 50 ہزار سے زائد غیر قانونی افغان تارکین وطن کو افغانستان واپس بھیجا گیا ہے۔

یہ بھی پڑھیں: حوالدار لالک جان شہید نشان حیدر کا 26 واں یوم شہادت، مزار پر پھول رکھنے کی تقریب

واپسی کے راستے

طورخم سرحد کے ذریعے 5 لاکھ 40 ہزار جبکہ انگور اڈا بارڈر سے 7 ہزار تارکین وطن واپس افغانستان بھیجے گئے ہیں۔ اسلام آباد سے 3 ہزار، پنجاب سے 11 ہزار، اور آزاد کشمیر سے 600 غیر قانونی تارکین وطن بھی اب تک واپس وطن بھیجے جا چکے ہیں۔

امدادی سہولیات

محکمہ داخلہ کے مطابق یہ عمل افغانستان کے ساتھ سرحدی علاقوں میں امن و سکون قائم رکھنے اور غیر قانونی مقیم افغانوں کی واپسی کے لیے کیا جا رہا ہے۔ حکومت کی جانب سے واپس جانے والوں کو خوراک اور صحت کی سہولتیں بھی فراہم کی جا رہی ہیں。