گرمی کی شدید لہر، بجلی کی سپلائی معطل نہ ہو، کوتاہی برداشت نہیں کی جائے گی: سی ای او لیسکو

لاہور میں شدید گرمی اور بجلی کی فراہمی

لاہور (ڈیلی پاکستان آن لائن) گرمی کی شدید لہر کے باعث چیف ایگزیکٹو لیسکو نے بجلی کی سپلائی بلا تعطل جاری رکھنے کے احکامات جاری کر دیئے۔

یہ بھی پڑھیں: پہلے جھکے نہ اب جھکیں گے، ہماری شہادت کی آرزو زندگی سے زیادہ ہے: ترجمان پاک فوج

بجلی کی بلا تعطل فراہمی

تفصیلات کے مطابق گرمی کی شدید ترین لہر کے باوجود لیسکو ریجن میں بجلی کی بلا تعطل فراہمی جاری ہے اور چیف ایگزیکٹو لیسکو انجینئر محمد رمضان بٹ خود نگرانی کر رہے ہیں۔ لاہور الیکٹرک سپلائی کمپنی نے ہیٹ ویو کے پیش نظر پیشگی انتظامات مکمل کرلیے تھے، جس کے ثمرات صارفین کو ملنا شروع ہوگئے ہیں۔

یہ بھی پڑھیں: لاہور قلندرز اور پشاور زلمی کے درمیان میچ کا ٹاس ہو گیا

فیڈرز کی صورتحال

ریجن بھر میں جاری شدید ترین گرم موسم کے باوجود بجلی کی بلا تعطل فراہم ہو رہی ہے۔ اس وقت لیسکو کے 2100 سے زائد فیڈرز میں سے صرف 30 فیڈرز بند ہیں، جن میں سے 5 فیڈرز تکنیکی خرابی کے باعث جبکہ 25 مرمتی کام کے باعث بند ہیں، جنہیں جلد بحال کردیا جائے گا۔

یہ بھی پڑھیں: ٹی ٹوئنٹی، بنگلہ دیش کے خلاف پاکستان کی بیٹنگ جاری

چیف ایگزیکٹو کی ہدایات

چیف ایگزیکٹو لسیکو انجینئر محمد رمضان بٹ کا کہنا ہے کہ شدید گرمی میں بجلی کی بندش سے صارفین کی مشکلات میں دگنا اضافہ ہوجاتا ہے، اس لیے ضروری ہے کہ بجلی کی سپلائی کسی صورت معطل نہ ہو۔ اگر کسی علاقے میں کوئی تکنیکی فالٹ آتا ہے تو اسے فوری طور پر دور کیا جائے گا، اور اس سلسلے میں تمام وسائل کو تیار رکھا جائے گا۔

یہ بھی پڑھیں: بانی پی ٹی آئی کے کس غلط فیصلے کا بہت زیادہ نقصان ہوا۔۔۔؟ اسد عمر بول پڑے

محکمہ موسمیات کی پیشگوئی

خیال رہے کہ محکمہ موسمیات کی جانب سے ہیٹ ویو کا الرٹ جاری ہونے کے بعد چیف ایگزیکٹو لیسکو انجینئر محمد رمضان بٹ نے ہدایات جاری کی تھیں کہ ریزیڈنٹ انجینئر اور اسسٹنٹ انجینئر ٹرانسمیشن لائنز گرڈ سٹیشنز میں اپنی موجودگی یقینی بنائیں۔

ایمرجنسی کے انتظامات

ایکسین اور ایس ڈی اوز دفاتر میں ٹرالیز اور دیگر گاڑیوں کو آپریشنل حالت میں رکھیں جبکہ ایس ایز دفاتر میں تمام تر ضروری سامان، بشمول پرسنل پروٹیکشن ایکوپمنٹ کی دستیابی ممکن بنائیں تاکہ ناگہانی صورتحال میں سٹور ڈیپارٹمنٹ سے رابطہ نہ کرنا پڑے۔ اسی طرح تمام ٹیکنیکل اور لائن سٹاف ایمرجنسی کی صورت میں کم سے کم وقت میں اپنے متعلقہ افسران کو رپورٹ کریں۔