پنجاب میں صحت کے بجٹ پر 3 ارب 90 کروڑ روپے کا بڑا کٹ لگا دیا گیا

پنجاب حکومت کا بڑا فیصلہ
لاہور (ڈیلی پاکستان آن لائن) پنجاب حکومت نے صوبے میں صحت کے منصوبوں پر 3 ارب 90 کروڑ روپے کا کٹ لگا دیا۔ جس کا اثر غریب عوام پر پڑے گا۔
یہ بھی پڑھیں: بانی پی ٹی آئی اور بشریٰ بی بی سے فیملی اور وکلا کی ملاقات کا دن، فیصل ملک، فیصل چودھری اور عثمان ریاض گل کو اجازت مل گئی
آکسیجن کی فراہمی کا بحران
ذرائع کے مطابق سرکاری ہسپتالوں میں آکسیجن کے لیے ضروری گیسز کی فراہمی کی سکیم پر کٹ لگا دیا گیا ہے۔ سرکاری ہسپتالوں میں آکسیجن کی فراہمی کے لیے 2 ارب 40 کروڑ روپے کی ڈیمانڈ تھی لیکن پی اینڈ ڈی بورڈ نے صرف 50 کروڑ کا فنڈ مختص کیا ہے۔
یہ بھی پڑھیں: امریکی محکمہ خارجہ کے امریکہ میں مقیم 1350 سے زائد ملازمین کی برطرفی کا عمل شروع
دیگر منصوبوں پر اثرات
پبلک نیوز کے مطابق اسی طرح ہسپتالوں میں ایچ آئی ایم ایس پر عملدرآمد کے لیے 1 ارب 50 کروڑ روپے کا کٹ لگایا گیا ہے۔ ٹی ایچ کیو ہسپتالوں میں میڈیکل آفیسر کے ہاسٹلز کی تعمیر پر 50 کروڑ روپے کا کٹ لگایا گیا ہے۔
محکمہ صحت کی وضاحت
واضح رہے کہ محکمہ صحت کے حکام نے ایوان وزیر اعلیٰ کو فنڈز کی کٹوتی کے حوالے سے آگاہ کر دیا ہے۔