اسلام آباد میں ہنی ٹریپ کے ذریعے نابالغ بچوں کو پھانسنے والا ملزم گرفتار
نابالغ بچوں کے خلاف سائبر جرائم کی روک تھام
اسلام آباد (ڈیلی پاکستان آن لائن) نیشنل سائبر کرائم انوسٹی گیشن ایجنسی نے خود کو خاتون ظاہر کر کے نابالغ بچوں کو پھانسنے اور نازیبا مواد حاصل کر کے استعمال کرنے میں ملوث ملزم کو گرفتار کرکے مقدمہ درج کرلیا۔
یہ بھی پڑھیں: 278 کی لاشیں کہاں ہیں جن کے بارے میں کہا گیا تھا کہ قتل کیا گیا ہے، رانا ثناءاللہ کا استفسار
ملزم کی گرفتاری کی تفصیلات
سما ٹی وی کے مطابق این سی سی آئی اے کے اہلکاروں کا کہنا ہے کہ ملزم محی الدین کو پیر مشہدی ترلائی کلاں اسلام آباد کے علاقے سے گرفتار کیا گیا ہے۔ اس کے خلاف چائلڈ پورنوگرافی پر پیکا ایکٹ اور 109 کی دفعات کے تحت مقدمہ درج کیا گیا ہے۔ ملزم سوشل میڈیا پر خود کو خاتون ظاہر کر کے نابالغ بچوں کو پھنساتا اور نازیبا مواد حاصل کرتا تھا۔
مزید تحقیقات جاری
انہوں نے بتایا کہ ملزم سے موبائل فون اور سم برآمد کر کے مزید تفتیش شروع کر دی گئی ہے۔
