پی آئی اے کی نجکاری کے لیے بولی نومبر کے آغاز میں کرانے کا فیصلہ، ذرائع نجکاری کمیشن

نجکاری کا فیصلہ

اسلام آباد(ڈیلی پاکستان آن لائن) قومی ایئر لائن پی آئی اے کی نجکاری کیلئے بولی نومبر کے آغاز میں کرانے کا فیصلہ کیا گیا ہے۔

یہ بھی پڑھیں: وہ ملک جہاں ہر 7 منٹ میں ایک خاتون کی موت ہوتی ہے

نجکاری کمیشن کی وضاحت

نجی ٹی وی سما نیوز کے مطابق حکام نجکاری کمیشن نے واضح کیا ہے کہ سیلاب کے باعث جانچ پڑتال کا عمل متاثر ہونے کے باوجود بڈنگ بروقت ہوگی۔ قومی ایئرلائن کے 51 سے 100 فیصد شیئرز فروخت کیلئے پیش کیے جائیں گے۔ پری کوالیفائی کرنے والے چار بڈرز کی جانب سے جانچ پڑتال کا عمل جاری ہے، پری کوالیفائیڈ بڈرز کو ورچوئل ڈیٹا روم تک رسائی دی گئی ہے، جانچ پڑتال کے بعد سرمایہ کاروں کو مزید سوالات کا موقع دیا جائے گا۔

یہ بھی پڑھیں: مسافر کی دوران پرواز دروازہ کھولنے کی کوشش، پرواز موڑ دی گئی

کنسورشیم کی کوششیں

عارف حبیب کی سربراہی میں کنسورشیم کی جانب سے جانچ پڑتال میں تاخیرہوئی۔ سیمنٹ ساز کمپنیوں پر مبنی کنسورشیم نے پی آئی اے کی ابتدائی جانچ پڑتال کرلی، فوجی فرٹیلائزر، ایئربلیو گروپ نے بھی ابتدائی ڈیوڈیلیجنس کی۔

یہ بھی پڑھیں: جوڈیشل کمیشن نے اسلام آباد اور بلوچستان ہائیکورٹس کیلئے ججوں کی مستقل تقرری کی منظوری دے دی

مالی حالت

نجکاری کمیشن کا کہنا ہے کہ پی آئی اے نے رواں سال 7 ارب روپے سے زیادہ منافع کمایا، سال 2024 میں پی آئی اے کو 7.8 ارب روپے کا مالی نقصان ہوا تھا، یورپ اور برطانیہ کے فضائی روٹ بحال ہونے سے بزنس پر مثبت اثر پڑا۔