گجرات میں پانی کی سطح میں کمی، فوارہ چوک کلئیر، پانی کا بہاؤ موڑنے کے لیے لورائی کے مقام پر کام جاری

وزیراعلیٰ پنجاب کا گجرات میں سیلابی پانی کے نکاس پر اطمینان

لاہور (ڈیلی پاکستان آن لائن) وزیراعلیٰ پنجاب مریم نواز نے گجرات میں سیلابی پانی کے نکاس کے عمل میں تیزی آنے پر اطمینان کا اظہار کیا ہے۔ اللہ تعالیٰ کا شکر ہے کہ گجرات میں سیلابی پانی کی سطح میں تیزی سے کمی آ رہی ہے، فوارہ چوک کلئیر ہو چکا ہے۔ گجرات شہر میں صورتحال تیزی سے بہتری کی طرف گامزن ہے، جلد شہری اس مشکل سے مکمل نجات پائیں گے۔ صرف ایک دن میں سیلابی پانی کی سطح میں دو فٹ کمی آنا آپریشن کی کامیابی کی علامت ہے۔

یہ بھی پڑھیں: ہمارے ساتھ عام شہری بھی شامل ہوجاتے، بسکٹ، پکوڑے، چپس بنوا کر لاتے اور پاکستان زندہ باد کے نعروں سے فوجیوں کا آتے جاتے استقبال کرتے

ٹیم کی کاوشوں کی تحسین

وزیراعلیٰ مریم نواز نے تمام ٹیم کو شاباش دی اور متعلقہ صوبائی سیکرٹریز، افسران اور عملے کی کاوشوں کی تحسین کی۔ سیلابی پانی کا بہاؤ موڑنے کے لیے لورائی کے مقام پر کام جاری ہے۔ مزید بارش یا پانی کے دباؤ میں اضافے کی صورت میں لورائی کو محفوظ اور مضبوط کرنے کے لیے مناسب افرادی قوت اور سامان موجود ہے۔ واسا، محکمہ آبپاشی کے افسران اور عملہ، سی اینڈ ڈبلیو کے چیف اور ایگزیکٹو انجینئر سمیت دیگر حکام فیلڈ آپریشن میں مصروف ہیں۔ واسا کے 8 ایگزیکٹو انجینئرز بھی گجرات آپریشن کی نگرانی میں مصروف ہیں۔

مستقبل کی پلاننگ اور بہتری کے اقدامات

ڈرون کیمروں کے ذریعے پانی کے بہاؤ میں رکاوٹ بننے والے علاقوں کی نشاندہی مکمل کر لی گئی ہے۔ محکمہ آبپاشی کے حکام مستقبل کی پلاننگ کے لئے ریسرچ سٹڈی پر مامور ہیں، یہ عمل سروس ڈلیوری کے معیار کو بہتر بنائے گا۔ واسا کا باضابطہ ادارہ قائم ہونے سے گجرات میں صفائی ستھرائی، نکاسیٔ آب اور سیوریج کے مسائل مستقل بنیادوں پر حل ہوں گے۔