صوبائی حکومتیں خزانے پر سانپ بن کر نہ بیٹھیں، اختیارات نچلی سطح پر منتقل کریں: حافظ نعیم الرحمان

حکومتی فنڈز کی فراہمی اور بلدیاتی نظام کی بحالی

ملتان/مظفرگڑھ (ڈیلی پاکستان آن لائن) امیر جماعت اسلامی حافظ نعیم الرحمان نے سیلاب متاثرین کی بحالی کے لئے حکومتی فنڈز کی فوری فراہمی اور بااختیار بلدیاتی نظام کی بحالی کے مطالبات کیے ہیں۔

یہ بھی پڑھیں: راولپنڈی پولیس نے خواتین کو درپیش مشکلات کے پیشِ نظر موبائل پولیس اسٹیشن لانچ کر دیا

مچھیلی فارمز کے مالکان کو قرض فراہم کرنے کی ضرورت

انھوں نے کہا کہ حکومت جنوبی پنجاب میں مچھلی فارمز کے مالکان کو بلا سود قرض دے اور متاثرہ علاقوں بالخصوص مظفرگڑھ کو آفت زدہ قرار دیا جائے۔

یہ بھی پڑھیں: پاکستان نے غلطیاں کیں، نئے پروگرام پر کامیاب عملدرآمد کیلئے مضبوط پالیسیاں ناگزیر ہیں: نمائندہ آئی ایم ایف

دورہ الخدمت فاؤنڈیشن اور سیلاب متاثرین سے گفتگو

جنوبی پنجاب کے سیلاب زدہ علاقوں اور الخدمت فاؤنڈیشن کی جانب سے لنگر سرائے، مظفرگڑھ اور شیر شاہ ملتان میں متاثرین کے لئے قائم کی گئی خیمہ بستیوں کے دورہ کے موقع پر رضاکاران، متاثرین اور صحافیوں سے گفتگو کرتے ہوئے، اس موقع پر امیر صوبہ سید ذیشان اختر، الخدمت کے سیکریٹری وقاص انجم جعفری، قیم صوبہ صہیب عمار صدیقی اور دیگر قائدین بھی موجود تھے۔

یہ بھی پڑھیں: ہارس اینڈ کیٹل شو تقریبات پر 1 ارب 90 کروڑ روپے کا تخمینہ

آبی ذخائر کی بروقت تعمیر کی اہمیت

امیر جماعت اسلامی نے حکومت پر زور دیا ہے کہ آبی ذخائر کی بروقت تعمیر ممکن بنائے تاکہ آئندہ اتنی بڑی تباہی سے بچا جا سکے۔ انھوں نے ملک میں واٹر مینجمنٹ سسٹم کی خامیوں کا تذکرہ کیا اور کہا کہ دریائے چناب پر ہیڈ محمد والا پل کی بروقت توسیع کر دی جاتی تو ملتان اور نواحی علاقوں میں بڑے پیمانے پر نقصانات سے بچا جا سکتا تھا۔

یہ بھی پڑھیں: سہیل آفریدی نے شٹر ڈاؤن اور پہیہ جام ہڑتال کو کامیاب قرار دے دیا

صوبائی حکومتوں کی ذمہ داری

صوبائی حکومتیں خزانے پر سانپ بن کر نہ بیٹھیں، ذاتی تشہیر کی بجائے اختیارات نچلی سطح پر منتقل کریں اور غیر ضروری اخراجات ختم کرکے سیلاب متاثرین کی بحالی پر پیسہ خرچ کیا جائے۔

یہ بھی پڑھیں: یوم تکبیر، 28 مئی کو ملک بھر میں عام تعطیل کا اعلان

صوبوں کے قیام کی پراسرار تاخیر

امیر جماعت اسلامی کا کہنا تھا کہ جماعت اسلامی صوبہ بہاولپور اور صوبہ جنوبی پنجاب دونوں کے قیام کی حامی ہے۔ انہوں نے سوال اٹھایا کہ جب اسمبلی میں صوبوں کے قیام کی قرارداد منظور ہو چکی ہے تو اس پر عملدرآمد کیوں نہیں کیا جا رہا؟

یہ بھی پڑھیں: گجرات میں پانی کی سطح میں کمی، فوارہ چوک کلئیر، پانی کا بہاؤ موڑنے کے لیے لورائی کے مقام پر کام جاری

سیلاب سے متاثرہ افراد کی تعداد اور حالات

انہوں نے کہا کہ سیلاب سے 40 لاکھ کے قریب لوگ متاثر ہوئے، فصلیں تباہ ہوگئیں، جانور پانی میں بہہ گئے، مچھلی فارمز کے مالکان کا کروڑوں کا نقصان ہوا، تباہ کاریاں ابھی جاری ہیں اور اسی دوران آٹے کی قیمتوں میں مسلسل اضافہ ہورہا ہے، عام آدمی دو وقت کی روٹی کے لئے پریشان ہے۔

یہ بھی پڑھیں: جنوبی افریقہ میں بھارتی کاروباری شخص کو اسی کی بیوی نے اغوا ءکرادیا، حیران کن تفصیلات سامنے آگئیں

حکومت کے نااہل حکمرانوں کا احتساب

نااہل حکمران اسٹیبلشمنٹ کی حمایت سے عوام پر مسلط ہیں، ان سے جان چھڑانا ہو گی۔ حکمران محض سیاسی پوائنٹ اسکورنگ کرتے ہیں، جماعت اسلامی عوام کے ساتھ کھڑی ہے اور متاثرین کے نقصان کا ازالہ کرائے گی۔ عوام اپنے حقوق کے حصول کے لئے جماعت اسلامی کا ساتھ دیں۔

جماعت اسلامی اور الخدمت فاؤنڈیشن کی خدمات

حافظ نعیم الرحمان نے اس امر پر اطمینان کا اظہار کیا کہ جماعت اسلامی اور الخدمت فاؤنڈیشن کے رضاکاران پورے پاکستان میں متاثرین کی مدد کر رہے ہیں، الخدمت کی خدمات کا اعتراف عوامی سطح سے لے کر اقوام متحدہ تک کیا گیا ہے۔