بجلی چوری روکنے سے ریلوے کو 8 ماہ کے دوران کتنی بچت ہوئی؟ جان کر آپ حیران رہ جائیں
بجلی چوری روکنے سے ریلوے کی بچت
لاہور (طیبہ بخاری سے) بجلی چوری روکنے کے نتیجے میں ریلوے کو 8 ماہ کے دوران کتنی بچت ہوئی؟ جان کر آپ حیران رہ جائیں گے۔
اجلاس کی تفصیلات
تفصیلات کے مطابق وزیر ریلوے محمد حنیف عباسی کی زیرِ صدارت ایک اہم اجلاس ہوا۔ اجلاس میں وزیر ریلوے کو خصوصی بریفنگ دی گئی۔ بریفنگ کے مطابق، ریلوے نے 8 ماہ کے دوران بجلی کی مد میں اربوں کی بچت کی ہے۔ پچھلے 8 ماہ میں میٹرائزیشن اور سولرائزیشن کے باعث ریلوے کی بڑی بچت ہوئی۔
بچت کی تفصیلات
بجلی چوری کی مؤثر روک تھام سے پاکستان ریلوے کو شاندار کامیابی ملی، اور لاہور ریلوے ڈویژن میں 416.6 ملین کی ریکارڈ بچت کی گئی۔ لاہور ورکشاپ مغلپورہ میں 243 ملین کی بچت ممکن ہوئی۔
دیگر ریلوے ڈویژنز کی بچت
بریفنگ میں یہ بھی بتایا گیا کہ:
- کوئٹہ ریلوے ڈویژن میں 38 ملین
- راولپنڈی ریلوے ڈویژن میں 75 ملین
- کراچی ریلوے ڈویژن میں 26 ملین
- سکھر ریلوے ڈویژن میں 60 ملین
- ملتان میں 9.6 ملین
- پشاور میں 6.46 ملین
وزیر ریلوے کا اعلان
اجلاس میں وزیر ریلوے حنیف عباسی نے اعلان کیا کہ بجلی چوری پر زیرو ٹالرینس ہوگی، اور جو چوری کرے گا سیدھا جیل جائے گا۔ جدید اقدامات سے ریلوے کے اخراجات میں نمایاں کمی دیکھی گئی۔ ریلوے میں پہلے سے بہتر شفافیت اور اصلاحات جاری رہیں گی۔
