ٹیسٹ ٹیم کے کپتان شان مسعود کیلئے ایک ساتھ دو خوشخبریاں

شان مسعود کی کپتانی کا مستقبل

لاہور(ڈیلی پاکستان آن لائن) قومی ٹیسٹ ٹیم کے کپتان شان مسعود کی سینٹرل کنٹریکٹ کی کیٹیگری میں بہتری کرنے کے ساتھ ساتھ انہیں طویل مدت تک کپتان برقرار رکھنے پر غور کیا جا رہا ہے۔

یہ بھی پڑھیں: حکومت نے تحریک انصاف کے خلاف بڑے کریک ڈاؤن کا فیصلہ کرلیا، نجی ٹی وی کا دعویٰ

ملاقات کی تفصیلات

نجی ٹی وی چینل ہم نیوز کے مطابق رپورٹس کے مطابق شان مسعود نے ریڈ بال کوچ اظہر محمود کے ہمراہ پاکستان کرکٹ بورڈ کے چیئرمین محسن نقوی سے ملاقات کی۔

یہ بھی پڑھیں: پہلے پی ٹی آئی 5 اگست کو احتجاج کی تیاری کرلے، پھر ہم بھی کریں گے، محسن نقوی

کپتانی کی منظوری

ذرائع کے مطابق بورڈ نے شان مسعود کو ورلڈ ٹیسٹ چیمپئن شپ 2025-27 کے مکمل دورانیے یعنی اگلے دو سال تک پاکستان ٹیسٹ ٹیم کا کپتان برقرار رکھنے کا فیصلہ کیا ہے۔

یہ بھی پڑھیں: سپریم کورٹ کو عملی طور پر غیر فعال کر دیا گیا ہے، جب ایک جج کا تقرر یا تبادلہ ایگزیکٹو کرے گا تو وہ انصاف کیسے فراہم کر سکے گا،اسد قیصر

فیصلے کی آزادی

ذرائع کا دعویٰ ہے کہ پی سی بی چیئرمین نے شان مسعود اور اظہر محمود کو یقین دہانی کرائی ہے کہ وہ ٹیسٹ ٹیم کے بارے میں مکمل آزادی سے فیصلے کر سکیں گے، جن میں ٹیم سلیکشن بھی شامل ہے۔ یاد رہے کہ دونوں سلیکشن کمیٹی کا باقاعدہ حصہ نہیں ہیں۔

یہ بھی پڑھیں: کسی بھی سرکاری ادارے کی جانب سے کوئی باضابطہ نوٹس موصول نہیں ہوا ، فیشن ڈیزائنر ماریہ بی

سینٹرل کنٹریکٹ کی تبدیلی

اس کے علاوہ شان مسعود کو آئندہ سینٹرل کنٹریکٹ میں ایک مرتبہ پھر بی کیٹیگری دیے جانے کا قوی امکان ہے۔

مالی سال 26-2025 کے سینٹرل کنٹریکٹ میں انہیں ڈی کیٹیگری میں شامل کیا گیا تھا، جب کہ ون ڈے کپتان محمد رضوان اور ٹی ٹوئنٹی کپتان آغا سلمان کو بی کیٹیگری دی گئی تھی۔

اس سے قبل شان مسعود پچھلے کنٹریکٹ میں بھی بی کیٹیگری میں شامل تھے، اور اب ایک بار پھر ان کی واپسی متوقع ہے۔

کپتانی کی تبدیلی کا پس منظر

شان مسعود کو نومبر 2023 میں بابر اعظم کی جانب سے تینوں فارمیٹس کی کپتانی سے دستبردار ہونے کے بعد ٹیسٹ ٹیم کا کپتان مقرر کیا گیا تھا۔