سجن آ ون آکھی ٹھرن۔۔وزیر اعلیٰ مریم نواز۔۔ تم بے مثال ہو۔۔ بلوچ لیویز کی خواتین اہلکاروں کی سلامی

نئے ٹرانسپورٹ کلچر کا آغاز

لاہور (ڈیلی پاکستان آن لائن) ڈیرہ غازی خان میں الیکٹرو بس سروس کا آغاز کردیا گیا ہے۔ وزیر اعلیٰ مریم نواز نے پہلی الیکٹرو بس کا افتتاح کیا، جسے دیکھ کر شہری خوش ہوگئے ہیں۔

یہ بھی پڑھیں: سوات بورڈ نے میٹرک کے سالانہ امتحانات کے نتائج کا اعلان کردیا

وزیر اعلیٰ کا شاندار استقبال

بلوچی پگڑی، رنگا رنگ ویسٹ اور مزین ٹوپی پہنے گورنمنٹ پرائمری سکول کے ننھے منے عبداللہ اور مریم جہانگیر نے وزیراعلیٰ کا خیر مقدم کیا اور پھول پیش کیے۔ وزیر اعلیٰ نے بس کنڈیکٹر کو "مسافروں خاص طور پر سپیشل افراد کا بہت خیال رکھنے" کی نصیحت کی۔

یہ بھی پڑھیں: پنجاب میں مون سون کے 11 ویں سپیل کا الرٹ جاری، 16 ستمبر سے بارشیں

شہریوں کا جوش و خروش

وزیر اعلیٰ مریم نواز نے جیل روڈ بس سٹاپ سے تقریب گاہ تک الیکٹرو بس میں سفر کیا، جہاں ڈیرہ غازی خان کے عوام اور طلبہ کا بے مثال جوش و خروش دیکھا گیا۔ راستے میں گل پاشی کی گئی اور "ستھرا پنجاب" کے ورکرز نے خیر مقدمی بینرز اٹھا رکھے تھے۔ مریم نواز نے ہاتھ ہلا کر نعروں کا جواب دیا۔

یہ بھی پڑھیں: خاتون اغوا کیس: چیف جسٹس لاہور ہائیکورٹ کا ڈی آئی جی انوسٹی گیشن پر اظہارِ برہمی

فنکشنل خصوصیات

تقریب گاہ پہنچنے پر بارڈر ملٹری فورس اور بلوچ لیویز کی خاتون اہلکاروں نے وزیر اعلیٰ کو سلامی دی۔ انہیں ڈیرہ غازی خان الیکٹرو بس پراجیکٹ پر بریفنگ دی گئی۔ اس ایئر کنڈیشنڈ الیکٹرو بس میں وائی فائی، چارجنگ پورٹ، خواتین مسافروں کے لیے الگ کمپارٹمنٹ، اور نگرانی کے لیے کیمرے بھی نصب ہیں۔

بسوں کے روٹس

ڈیرہ غازی خان ڈسٹرکٹ میں پہلے فیز میں 24 الیکٹرو بسیں چلائی جائیں گی۔ یہ بسیں جنرل بس سٹینڈ سے کوٹ چھٹہ، چوٹی زیریں اور ڈی جی خان شہر کے مختلف راستوں پر چلیں گی۔ مزید برآں، جنرل بس سٹینڈ سے سخی سرور اور شاہ دین صدر کے لیے بھی الیکٹرو بس روٹ ہوگا۔