وزیراعلیٰ ٹاسک فورس برائے پرائس کنٹرول پنجاب کی چیئرپرسن سلمیٰ بٹ کا سندس فاؤنڈیشن لاہور کا دورہ

وزیراعلیٰ پنجاب کی ٹاسک فورس کا دورہ

لاہور(ویب ڈیسک) وزیراعلیٰ پنجاب کی ٹاسک فورس برائے پرائس کنٹرول کی چیئرپرسن محترمہ سلمیٰ بٹ نے سندس فاؤنڈیشن لاہور کا دورہ کیا جہاں انہوں نے زیرِ علاج بچوں سے ملاقات کی، تحائف تقسیم کیے اور تھیلیسیمیا، ہیموفیلیا اور دیگر خون کی بیماریوں میں مبتلا مریضوں کے لیے فراہم کی جانے والی طبی سہولیات کا جائزہ لیا۔

یہ بھی پڑھیں: انٹراپارٹی انتخابات کیس؛ پی ٹی آئی نے 21 اکتوبر کے فیصلے کیخلاف سپریم کورٹ میں دوسری نظرثانی درخواست دائر کر دی

فاؤنڈیشن کی انتظامیہ کی تفصیلات

معزز مہمان کا استقبال فاؤنڈیشن کی انتظامیہ نے کیا۔کنسلٹنٹ ہیماٹولوجسٹ ڈاکٹر سائرہ معین نے وزیراعلیٰ ٹاسک فورس برائے پرائس کنٹرول پنجاب کی چیئرپرسن محترمہ سلمیٰ بٹ کو فاؤنڈیشن کی جانب سے فراہم کی جانے والی طبی خدمات، جدید علاج، جدید مشینری اور بلڈ مینجمنٹ سسٹم کے بارے میں تفصیلی بریفنگ دی۔

یہ بھی پڑھیں: نیپرا نے بجلی فی یونٹ ایک روپیہ 63 پیسے مہنگی کردی

مفت خدمات کی فراہمی

انہوں نے بتایا کہ سندس فاؤنڈیشن ہر ماہ ہزاروں مریضوں کو مفت خون اور علاج فراہم کرتی ہے اور اس عمل میں عالمی معیار کی صحت کی سہولیات کو برقرار رکھا جاتا ہے۔

یہ بھی پڑھیں: ایران نے اسمگل شدہ ایندھن لے جانے والے غیر ملکی جہاز کو قبضے میں لے لیا

تحقیقی منصوبے اور بیماریوں کی روک تھام

ڈاکٹر سائرہ معین نے مزید بتایا کہ فاؤنڈیشن جینیاتی اسکریننگ اور بیماری کی بروقت تشخیص کے لیے نئے تحقیقاتی منصوبہ جات پر بھی کام کر رہی ہے تاکہ بیماریوں کی روک تھام کو ممکن بنایا جا سکے۔

یہ بھی پڑھیں: افغان شہری کو پاکستانی شہریت دینے سے متعلق پشاور ہائی کورٹ کا فیصلہ معطل

میڈیا سے گفتگو

دورے کے اختتام پر میڈیا سے گفتگو کرتے ہوئے معاونِ خصوصی وزیرِ اعلیٰ پنجاب برائے پرائس کنٹرول سلمیٰ بٹ نے کہا کہ سندس فاؤنڈیشن تھیلیسیمیا اور ہیموفیلیا جیسے موذی امراض میں مبتلا بچوں کے علاج، فلاح و بہبود اور نگہداشت کے حوالے سے جو خدمات انجام دے رہا ہے وہ واقعی قابلِ تحسین ہیں۔

یہ بھی پڑھیں: وادیٔ نیلم میں جیپ کھائی میں گرنے سے ایک ہی خاندان کے 4 افراد جاں بحق

رجسٹرڈ مریضوں کی تعداد

انہوں نے کہا کہ لاہور میں اس وقت 12 ہزار سے زائد رجیسٹرڈ مریض بچے سندس فاؤنڈیشن میں زیرِ علاج ہیں جنہیں نہ صرف خون کی منتقلی کی سہولت حاصل ہے بلکہ یہاں دانتوں کے علاج سمیت مکمل میڈیکل سہولیات بھی فراہم کی جا رہی ہیں۔

یہ بھی پڑھیں: مجھے اپنی معذوری کی وجہ سے سیکس کی پیشکش بطور احسان کی جاتی ہے

حکومت کا عزم

سلمیٰ بٹ نے کہنا تھا کہ فاؤنڈیشن ملک بھر میں انسانیت کی خدمت کا ایک روشن استعارہ ہے اور ایسے اداروں کی موجودگی معاشرے کے لیے باعثِ فخر ہے۔

یہ بھی پڑھیں: کم سے کم نقصان ہو، عوام کے تحفظ کے لیے تمام وسائل بروئے کار لائیں: مریم اورنگزیب

بہترین علاج کی فراہمی

انہوں نے کہا کہ حکومتِ پنجاب تھیلیسیمیا کے خاتمے اور متاثرہ بچوں کے بہتر علاج کے لیے مربوط اور بھرپور اقدامات کر رہی ہے تاکہ انہیں بروقت اور جدید طبی سہولیات فراہم کی جا سکیں۔

یہ بھی پڑھیں: کسی معجزے سے کالا باغ ڈیم بن گیا تو بھی سیلاب آئیں گے، شیری رحمان

نجی فلاحی اداروں کے ساتھ تعاون

معاونِ خصوصی کا کہنا تھا کہ حکومت کی ترجیح ہے کہ تھیلیسیمیا کے مریض بچوں کو بہترین علاج، خون کی دستیابی اور معیاری سہولیات فراہم کی جائیں، اور اس مقصد کے لیے حکومت نجی فلاحی اداروں کے ساتھ مل کر کام کر رہی ہے تاکہ خون کی بیماریوں کے علاج میں بہتری لائی جا سکے۔

اعزازی شیلڈ کا پیش کرنا

آخر میں سندس فاؤنڈیشن کی جانب سے معاونِ خصوصی محترمہ سلمیٰ بٹ کو اعزازی شیلڈ بھی پیش کی گئی۔