ویمنز ورلڈ کپ، بھارت جنوبی افریقا کو شکست دے کر عالمی چیمپئن بن گیا

بھارت کی شاندار فتح

نئی دہلی (ڈیلی پاکستان آن لائن) بھارت نے جنوبی افریقا کو 52 رنز سے شکست دیکر آئی سی سی ویمن ورلڈ کپ کا ٹائٹل جیت لیا۔

یہ بھی پڑھیں: روپے کے مقابلے میں ڈالر کی قیمت مزید بڑھ گئی

فائنل میچ کی تفصیلات

ممبئی میں کھیلے گئے فائنل میں بارش کے سبب میچ تاخیر سے شروع ہوا مگر اوورز میں کٹوتی نہیں ہوئی۔ جنوبی افریقا نے ٹاس جیت کر پہلے بھارت کو بیٹنگ دی جس نے مقررہ 50 اوورز میں سات وکٹوں کے نقصان پر 298 رنز اسکور کیے۔

یہ بھی پڑھیں: ووٹ لیا ہے تو دلہن بھی ڈھونڈ کردیں، کارکن نے رکن اسمبلی کو روک کر مطالبہ کردیا

کھلاڑیوں کی شاندار کارکردگی

شفالی ورما نے 87، دپتی شرما نے 58 اور سمرتی مندھانا نے 45 رنز بنائے۔ جنوبی افریقا کی ایا بونگا کھاکا نے تین وکٹیں حاصل کیں۔

یہ بھی پڑھیں: پاکستان میں 4 ماہ کے دوران 64کروڑ 46لاکھ ڈالرز کے موبائل فونز درآمد

جنوبی افریقا کا جواب

جواب میں جنوبی افریقا کی ٹیم 246 رنز بناسکی۔ کپتان لورا وولوارٹ نے 101 رنز کی اننگز کھیلی لیکن وہ اپنی ٹیم کو فیصلہ کن معرکہ نہ جتواسکیں۔ اُنہوں نے گیارہ چوکے اور ایک چھکا لگایا۔ اینیری ڈریکسن نے 35 رنز کی اننگز کھیلی، جبکہ دپتی شرما نے چار اور شفالی ورما نے دو کھلاڑیوں کو آؤٹ کیا۔

تاریخ میں ایک اور باب

بھارتی ٹیم نے پہلی بار آئی سی سی ویمن ورلڈ کپ کا ٹائٹل جیتا ہے۔