فلسطینی عوام کی جدوجہدِ آزادی میں پاکستان ان کے ساتھ کھڑا رہے گا، دفتر خارجہ

پاکستان کی فلسطینی عوام کے ساتھ یکجہتی

اسلام آباد (ڈیلی پاکستان آن لائن) پاکستان نے فلسطینی عوام سے اظہارِ یکجہتی کے عالمی دن پر ان کی غیر متزلزل سفارتی حمایت کا اعادہ کیا ہے۔

یہ بھی پڑھیں: خیبرپختونخوا حکومت کے خلاف دانستہ طور پر ایک منظم اور مسلسل پروپیگنڈا مہم چلائی جا رہی ہے، یارمحمد خان نیازی

فلسطینی عوام کی موجودہ صورتحال

دفتر خارجہ نے جاری کردہ بیان میں کہا کہ فلسطینی عوام نسلوں سے جارحیت، محرومی اور بدترین انسانی بحران کا سامنا کر رہے ہیں۔

یہ بھی پڑھیں: اسلام آباد ہائیکورٹ نے پی ٹی آئی رہنما علی بخاری کی گرفتاری سے روک دیا

اسرائیلی مظالم کی مذمت

دفتر خارجہ کے مطابق اسرائیلی مظالم نے انسانی ضمیر کو جھنجھوڑ دیا ہے، یہ بربریت برداشت نہیں کی جاسکتی۔ اسرائیل کے جنگی جرائم اور نسل کشی جیسے اقدامات پر جواب دہی ناگزیر ہے۔

یہ بھی پڑھیں: مخالفین کے گھر جانور جلانے کے ملزم کی ضمانت قبل از گرفتاری کی درخواست سپریم کورٹ نے مسترد کردی۔

دو ریاستی حل کی اہمیت

ترجمان دفتر خارجہ نے کہا کہ دو ریاستی حل اور غزہ امن منصوبہ پائیدار امن کا حقیقی موقع فراہم کرتے ہیں۔ فوری اور مستقل جنگ بندی وقت کی اہم ضرورت ہے۔

یہ بھی پڑھیں: حیرت انگیز دنیا سے باہر نکلے تو بڑی دیر تک سارے منظر ذہن میں نقش رہے، ایسا لگتا تھا جیسے وقت ٹھہر گیا تھا اور ہم خوابوں کی دنیا میں گھوم رہے تھے.

غزہ کی بحالی کے لئے اقدامات

ترجمان دفتر خارجہ نے مزید کہا کہ غزہ کی فوری بحالی اور تعمیرِ نو کے لئے غیر مشروط انسانی رسائی یقینی بنائی جائے۔

یہ بھی پڑھیں: سوشل میڈیا انفلوئنسر ظفر سپاری کی معروف صحافی مجتبیٰ علی شاہ سے ملاقات

مقبوضہ مغربی کنارے کی صورت حال

دفتر خارجہ نے کہا کہ مقبوضہ مغربی کنارے میں اسرائیلی بستیاں دو ریاستی حل کو شدید نقصان پہنچا رہی ہیں۔ پاکستان، اقوام متحدہ کی قراردادوں کے مطابق آزاد، خودمختار ریاستِ فلسطین کے قیام کی حمایت دہراتا ہے۔

پاکستان کا القدس الشریف کے بارے میں موقف

دفتر خارجہ کے مطابق پاکستان القدس الشریف کو فلسطین کا دائمی دارالحکومت تسلیم کرتا ہے۔ فلسطینی عوام کی جدوجہدِ آزادی میں پاکستان ہمیشہ ان کے ساتھ کھڑا رہے گا۔