ایوب زکوڑی سی ای او کلب کے پی چیپٹر کے صدر مقرر

پشاور میں پہلی سی ای او سمٹ

پشاور(ڈیلی پاکستان آن لائن) زکوڑی گروپ کے زیر اہتمام گورنر ہاؤس میں پشاور کی پہلی سی ای او سمٹ کا انعقاد کیا گیا۔ تقریب میں 200 سے زائد معروف سی ای اوز، کاروباری شخصیات، سرمایہ کاروں، سفارت کاروں، کاروباری خواتین اور بیرون ملک مقیم پاکستانیوں نے شرکت کی۔ سمٹ کا مقصد پاکستان کی اقتصادی ترقی اور کاروباری ماحول کے مستقبل کی سمت پر بات چیت کیلئے ایک مؤثر پلیٹ فارم فراہم کرنا تھا۔

یہ بھی پڑھیں: وہ گاڑیاں جن کے خلاف لاہور ٹریفک پولیس نے کریک ڈاون شروع کر دیا

کتاب کی رونمائی

اس موقع پر سی ای او کلب پاکستان کی ایک کتاب کی رونمائی بھی کی گئی، جس میں متعدد شعبوں کی ترقی میں حصہ لینے والے افراد سے متعلق تفصیلی معلومات شائع کی گئی ہیں۔ تقریب کے دوران، سی ای او، زکوڑی گروپ، ایوب خان زکوڑی کو باضابطہ طور پر کے پی چیپٹر، سی ای او کلب پاکستان کا صدر مقرر کیا گیا۔

یہ بھی پڑھیں: میچ کے دوران کبڈی کا کھلاڑی دل کا دورہ پڑنے سے انتقال کر گیا

سی ای او ایوارڈز کی تقریب

دریں اثناء،سی ای او ایوارڈز کی تقریب کا اہتمام بھی کیا گیا، جس میں مختلف شعبوں کے رہنماؤں کو ان کی قابل ذکر کامیابیوں اور پاکستان کی اقتصادی ترقی میں حصہ ڈالنے کیلئے ایوارڈز سے نوازا گیا۔

ایوب زکوڑی کا پیغام

شرکاء سے خطاب کرتے ہوئے ایوب زکوڑی کا کہنا تھا کہ سی ای او سمٹ پشاور کا انعقاد پاکستان کے مستقبل کیلئے زیادہ سے زیادہ کوششوں، علاقائی ترقی اور ایک نئے کارپوریٹ وژن کی طرف ایک اہم قدم کی نشاندہی کرتا ہے۔