نام اسٹاپ لسٹ میں ڈال دیا گیا، بطور وزیراعلیٰ خیبرپختونخوا میرے ساتھ ناانصافی ہورہی ہے، سہیل آفریدی

سہیل آفریدی کی پریس کانفرنس

پشاور(ڈیلی پاکستان آن لائن)سہیل آفریدی کا کہنا ہے کہ بطور وزیراعلیٰ خیبرپختونخوا ان کے ساتھ ناانصافی ہورہی ہے اور انہیں نام سٹاپ لسٹ میں ڈال دیا گیا ہے۔

یہ بھی پڑھیں: ڈاکٹر کے قتل کے بعد کلکتہ میں ایسا مجسمہ لگا کہ بھارت میں ہنگامہ برپا ہو گیا

پی ٹی آئی کے خلاف سازشیں

پشاور میں پریس کانفرنس کے دوران سہیل آفریدی نے کہا کہ پی ٹی آئی کو دیوار سے لگانے کی سازشیں جاری ہیں۔ این ایف سی ایوارڈز کا پورا حصہ بھی نہیں دیا جارہا۔ 4 دسمبر کو معاملے پر ہونے والے اجلاس میں صوبے کا مقدمہ بھرپور انداز میں لڑیں گے۔

یہ بھی پڑھیں: ہر ایک کو ٹیکس اتھارٹی کے ساتھ ڈیل کرنا پڑے گی: وزیر خزانہ

این ایف سی ایوارڈز کا مسئلہ

وزیراعلیٰ سہیل آفریدی نے کہا کہ این ایف سی کا شیئر خیبرپختونخوا کو پورا تقسیم نہیں ہورہا۔ 7 سال میں ایک ہزار350ارب روپے خیبرپختونخوا کو نہیں دیئے گئے۔ این ایف سی ایوارڈ کے حوالے سے پیر کو یونیورسٹیز میں سیمینار ہوں گے۔ خیبرپختونخوا کے ساتھ امتیازی سلوک ہورہا ہے۔

تمام جماعتوں کا مؤقف

وزیراعلیٰ خیبر پختونخوا کا کہنا تھا کہ کوشش کریں گے کہ این ایف سی پر تمام سیاسی جماعتوں کا مؤقف ایک ہو۔ پرامن احتجاج انصاف کے حصول کے لئے ہے، ہماری کارکردگی ہی تو ہے کہ تیسری مرتبہ صوبے میں ہماری حکومت ہے۔