کیڈٹ کالج جعفرآباد میں یومِ والدین کی شاندار تقریب، آئی جی ایف سی کی شرکت

یومِ والدین کی تقریب

جعفرآباد (ڈیلی پاکستان آن لائن) کیڈٹ کالج جعفرآباد میں یومِ والدین کی پروقار اور شاندار تقریب کا انعقاد کیا گیا جس میں آئی جی ایف سی بلوچستان (نارتھ) نے بطور مہمانِ خصوصی شرکت کی۔

یہ بھی پڑھیں: جب پتا چلے کہ آپ کی ایکس دوبارہ شادی کررہی ہے، علی ترین کا ملتان سلطان کی نیلامی پر ردعمل

شرکاء کی کثرت

نجی ٹی وی چینل دنیا نیوز کے مطابق کیڈٹ کالج جعفرآباد کی تقریب میں والدین، ارکانِ قومی و صوبائی اسمبلی، کمشنر نصیر آباد، مقامی عمائدین اور سول و ملٹری افسران نے بھی کثیر تعداد میں شرکت کی۔ تقریب کے دوران کیڈٹس نے اعلیٰ نظم و ضبط اور پیشہ ورانہ مہارت کا مظاہرہ کرتے ہوئے شاندار پریڈ اور مختلف عملی سرگرمیاں پیش کیں۔ والدین اور دیگر شرکاء نے کیڈٹس کی عمدہ کارکردگی، خود اعتمادی اور اعلیٰ تربیتی معیار کو بھی بھرپور سراہا۔

یہ بھی پڑھیں: پاکستان کا پہلا یونین کونسل کا دفتر جسے نوجوانوں کے لیے وقف کر دیا گیا، یہاں بیٹھ کر اپنے دفتر کا کام کریں یا کھیل کود، مکمل آزادی

آئی جی ایف سی بلوچستان کا خطاب

آئی جی ایف سی بلوچستان (نارتھ) نے تقریب سے خطاب کرتے ہوئے کیڈٹ کالج جعفر آباد کے تعلیمی و تربیتی معیار کو قابلِ تحسین قرار دیا اور کہا کہ کیڈٹ کالج جعفر آباد اور دیگر ایسے ادارے نوجوان نسل کو نظم و ضبط، اعلیٰ کردار اور حب الوطنی کے جذبے سے آراستہ کر رہے ہیں۔

یہ بھی پڑھیں: پاکستان سے جنگ میں بھارت کے گرنے والے طیاروں کے پائلٹ کہاں گئے؟ انکشاف سامنے آگیا

کیڈٹ کا پیغام

اس موقع پر اپنے خیالات کا اظہار کرتے ہوئے ایک کیڈٹ نے کہا کہ مجھے فخر ہے کہ میں کیڈٹ کالج جعفر آباد میں تعلیم حاصل کر رہا ہوں اور ہمارے والدین کو بھی اس بات پر فخر ہونا چاہیے کہ ان کے بچے ایک عظیم ادارے میں تعلیم حاصل کر رہے ہیں۔ پاسنگ آؤٹ کا دن ہمارے لیے ایک نہایت قابلِ فخر دن ہے۔ میں پورے پاکستان کے والدین کو یہ پیغام دینا چاہتا ہوں کہ کیڈٹ کالج جعفر آباد بچوں کی تعلیم و تربیت کے لیے ایک بہترین ادارہ ہے۔

کالج انتظامیہ کی کاوشوں کی پذیرائی

علاوہ ازیں شرکاء کی جانب سے کالج انتظامیہ کی کاوشوں کو سراہا گیا اور مستقبل میں بھی اس تسلسل کو برقرار رکھنے کے عزم کا اظہار کیا گیا۔