پالتو جانوروں کے چارے میں زہر ملا کر مارتے اور پھر ان مرے ہوئے جانوروں کا گوشت ہوٹلز میں بیچتے، لاہور سے دو ملزمان گرفتار

پالتو جانوروں کی پراسرار ہلاکت کا راز

لاہور(ڈیلی پاکستان آن لائن) گرین ٹاؤن میں پالتو جانوروں کی پراسرار ہلاکت کا راز فاش ہوگیا۔ پولیس کے مطابق، گرین ٹاؤن میں کئی ماہ سے پالتو جانوروں کی راتوں رات ہلاکت اور غائب کر دینے کے واقعات سامنے آ رہے تھے جس پر علاقہ مکین پریشان تھے۔

یہ بھی پڑھیں: کراچی میں لگنے جا رہا ہے سب سے بڑا کار میلہ!

سی سی ٹی وی فوٹیج کی گواہی

تاہم، سی سی ٹی وی فوٹیج نے جانوروں کی پراسرار ہلاکت کا بھانڈہ پھور دیا۔ فوٹیج میں سامنے آیا کہ خاکروب رات کو جانوروں کے چارے میں زہریلا مواد ڈال دیتا جس سے ان کی موت واقعہ ہو جاتی۔ مقامی افراد نے ملزم شاہد کو واردات کے دوران پکڑ لیا اور اس کی درگت بنائی۔ ملزم شاہد نے جرم کا اعتراف کرتے ہوئے بتایا کہ وہ اپنے ساتھی راشد کے ساتھ مل کر یہ کارروائی کرتا تھا۔

یہ بھی پڑھیں: میں نے ملکہ ترنم نورجہاں کی شاگرد بننے کی پیش کش کو مسترد کیا تھا، گلوکارہ حمیرا ارشد کا انکشاف

ملزمان کی گرفتاری اور قانونی کارروائی

پولیس کے مطابق، ملزمان مردہ جانوروں کا گوشت مختلف ہوٹلوں میں فروخت کرتے تھے۔ دونوں کو گرفتار کرکے ان کے خلاف 8 مقدمات درج کرلیے گئے ہیں۔

فوڈ اتھارٹی کا نوٹس

پولیس کے مطابق، ملزمان کے انکشاف پر فوڈ اتھارٹی کو بھی متعلقہ ہوٹلوں کے خلاف ایکشن لینے کا کہہ دیا ہے۔ اہل علاقہ کا کہنا ہے کہ گزشتہ کئی ماہ میں 30 سے 40 جانور ہلاک کیے جا چکے ہیں، ملزمان کے خلاف سخت کارروائی کی جائے۔