پنجاب حکومت کا چائلڈ لیبر کے لیے ماہانہ وظیفے دینے کا فیصلہ

پنجاب حکومت کا اہم اقدام

لاہور(ڈیلی پاکستان آن لائن) پنجاب حکومت چائلڈ لیبر کے حوالے سے ایک اہم اقدام کرنے جا رہی ہے، جس کے تحت ماہانہ وظیفہ مقرر کیا جائے گا۔

یہ بھی پڑھیں: گورنر خیبرپختونخوا آج نومنتخب وزیراعلیٰ سہیل آفریدی سے حلف لیں گے

مالی معاونت کی تفصیلات

نجی ٹی وی چینل دنیا نیوز کی رپورٹ کے مطابق، اٹھارہ سال سے کم عمر بچوں کے والدین کی مالی معاونت کی جائے گی۔ بچوں کو مزدوری سے نکالنے کے لیے والدین کو مشروط کیش سپورٹ فراہم کرنے کا فیصلہ کیا گیا ہے۔

یہ بھی پڑھیں: اچانک ٹاوٹ صحافی ایک دم سے حکومت کے خلاف بولنا شروع ہو گئے ہیں، سمجھ نہیں آ رہا کہ کیا ہواہے : عدیل راجہ

تعلیم اور تربیت کی فراہمی

والدین کی مالی معاونت کے بعد بچوں کو تعلیم اور تربیت فراہم کی جائے گی۔ چائلڈ لیبر کے خاتمے کے لیے ٹاسک کمیٹیاں قائم کی جائیں گی اور اس حوالے سے جامع پلان تیار کیا جائے گا۔ پنجاب حکومت نے موجودہ چائلڈ لیبر کے قانون میں ترامیم کے لیے سفارشات طلب کر لی ہیں۔

بچوں کی ڈیجیٹل میپنگ

دوسری جانب کمیٹیوں کو چائلڈ لیبر کے خاتمے کے لیے 20 سے زائد ٹاسک سونپ دیے گئے ہیں۔ بچوں کی ڈیجیٹل میپنگ اور جیو ٹیگنگ کی جائے گی، اور چائلڈ لیبر کے خاتمے کے لیے ہیلپ لائن اور بحالی مراکز قائم کیے جائیں گے۔ پنجاب حکومت سوشیو اکنامک سروے کے تحت والدین کو ماہانہ وظیفہ فراہم کرے گی۔