ملک کو دہشتگردی کے عفریت سے نجات دلا کر دم لیں گے، وزیراعلیٰ مریم نواز
وزیراعلیٰ پنجاب کا دہشت گردی کے خلاف کامیاب کارروائی پر اظہار تشکر
لاہور( ڈیلی پاکستان آن لائن ) وزیراعلیٰ پنجاب مریم نواز نے میانوالی میں دہشت گردی کی کارروائی ناکام بنائے جانے پر اظہار تشکر کیا اور دہشت گردوں کے خلاف کامیاب کارروائی پر سی ٹی ڈی کو شاباش دی۔
یہ بھی پڑھیں: حکومت عمران خان کی رہائی پر تیار تھی، کچھ لوگوں نے معاملات خراب کردیئے، لطیف کھوسہ کا دعویٰ
سی ٹی ڈی کی پیشہ ورانہ کارکردگی پر خراج تحسین
وزیراعلیٰ مریم نواز نے دہشت گردوں کے خاتمے کے لیے سی ٹی ڈی کی پیشہ ورانہ کارکردگی کو خراج تحسین پیش کیا۔
پنجاب کے عوام کے جان ومال کے تحفظ کا عزم
وزیراعلیٰ مریم نواز نے کہا کہ ملک کو دہشت گردی کے عفریت سے نجات دلا کر دم لیں گے۔ پنجاب کے عوام کے جان ومال کے تحفظ کی ذمہ داری ہر صورت پوری کریں گے۔
