عالمِ امن کے لیے پاکستان اپنا کردار ادا کرتا رہے گا، رنگ، نسل اور مذہب کی بنیاد پر تفریق کا خاتمہ کرنا ہوگا، بلاول بھٹو

بلاول بھٹو کا بیان

واشنگٹن(ڈیلی پاکستان آن لائن) چیئرمین پاکستان پیپلزپارٹی بلاول بھٹو کا کہنا ہے کہ عالمِ امن کے لیے پاکستان اپنا کردار ادا کرتا رہے گا۔

یہ بھی پڑھیں: برٹنی سپیئرز کو پرواز کے دوران سگریٹ اور شراب نوشی کرتے ہوئے پکڑا گیا

خطاب کی تفصیلات

امریکہ کے شہر واشنگٹن میں ینگ لیڈرز کے استقبالیہ سے خطاب کرتے ہوئے بلاول بھٹو نے فرمایا کہ ہمارے خاندان نے جمہوریت کے لیے بہت قربانیاں دیں ہیں۔ رنگ، نسل اور مذہب کی بنیاد پر تفریق کا خاتمہ کرنا ہوگا۔ دنیا میں امن اور ترقی کے لیے مل کر کام کرنا ہو گا، اور نوجوان نسل دنیا میں مثبت تبدیلی کے لیے بھرپور کردار ادا کرے۔

امن اور رواداری کا پیغام

چیئرمین پاکستان پیپلزپارٹی نے کہا کہ حضرت محمد صلی اللہ علیہ وآلہ وسلم نے امن، رواداری اور انصاف کا درس دیا ہے۔ عدم برداشت کے مقابلے میں مکالمے کو فروغ دینا ہوگا۔ پاکستان ایک پرامن اور ذمہ دار ریاست ہے، اور بین المذاہب ہم آہنگی کا فروغ وقت کی ضرورت ہے۔ خطے کے استحکام اور عالمِ امن کے لیے پاکستان اپنا کردار ادا کرتا رہے گا۔