پاکستان جی ایس پی پلس کے 4 دو سالہ جائزے کامیابی سے مکمل کر چکا ہے: اسحاق ڈار

اسلام آباد میں اجلاس

اسلام آباد (ڈیلی پاکستان آن لائن) نائب وزیراعظم و وزیرخارجہ سینیٹر محمد اسحاق ڈار نے یورپی یونین کے ساتھ تجارتی اور اقتصادی روابط بڑھانے کی اہمیت پر زور دیتے ہوئے کہا ہے کہ یورپی یونین بالخصوص جی ایس پی پلس فریم ورک کے تحت پاکستان کا ایک اہم اقتصادی شراکت دار ہے۔

یہ بھی پڑھیں: سب میرین کیبل کٹنے سے ملک میں انٹرنیٹ کی رفتار سست ہے، سیکرٹری آئی ٹی

جی ایس پی پلس کی کامیاب تکمیل

پاکستان جی ایس پی پلس کے 4 دو سالہ جائزے کامیابی سے مکمل کر چکا ہے اور آئندہ بھی اپنی تمام ذمہ داریوں کی مکمل پاسداری جاری رکھے گا۔

یہ بھی پڑھیں: اسرائیلی جارحیت کا مقابلہ کرنے اور اسے روکنے کیلئے اقدامات ضروری ہیں: محمد بن سلمان

اجلاس کی تفصیلات

ان خیالات کا اظہار انہوں نے یورپی یونین کے ساتھ پاکستان کے اقتصادی اور تجارتی تعاون کو مضبوط بنانے کی غرض سے اقدامات کا جائزہ لینے کے لیے منعقدہ اعلیٰ سطح بین الوزارتی اجلاس کی صدارت کرتے ہوئے کیا۔ وزارت خارجہ سے جاری بیان کے مطابق نائب وزیرِ اعظم و وزیرِ خارجہ محمد اسحاق ڈار نے یورپی یونین کے ساتھ تجارتی اور اقتصادی روابط کو گہرا اور وسیع کرنے کی اہمیت پر زور دیا۔

یہ بھی پڑھیں: بسنت کا آنا ایک خوشی کا موقع ہے، جس سے لوگ متحد ہوتے ہیں، یہ موقع ہمیں یاد دلاتا ہے کہ ہم سب مل کر پاکستان کو بہتری کی طرف لے جا سکتے ہیں، ملالہ یوسفزئی

پاکستان کی اقتصادی ذمہ داریاں

انہوں نے اس بات کو اجاگر کیا کہ پاکستان کامیابی کے ساتھ جی ایس پی پلس کے چار دو سالہ جائزے مکمل کر چکا ہے اور اس عزم کا اعادہ کیا کہ پاکستان اس سکیم کے تحت اپنی تمام ذمہ داریوں کی مکمل پاسداری جاری رکھے گا تاکہ باہمی طور پر مفید تجارتی مواقع کو مزید فروغ دیا جا سکے۔

اجلاس میں شرکاء

اجلاس میں وفاقی وزیر برائے قانون و انصاف، وزیراعظم کے معاونِ خصوصی طارق باجوہ، سیکریٹری خارجہ سفیر آمنہ بلوچ، سیکریٹریز تجارت، داخلہ، سمندر پار پاکستانی اور انسانی حقوق، یورپی یونین میں پاکستان کے سفیر اور متعلقہ وفاقی و صوبائی محکموں کے سینئر حکام نے شرکت کی۔