مسئلہ کشمیر پر کوئی خاص پیش رفت نہیں ہورہی، مولانا سعید یوسف خان

کشمیر کا قضیہ: کوئی خاص پیش رفت نہیں

مکہ مکرمہ (محمد عامل عثمانی) جمعیت علمائے اسلام کشمیر کے صدر مولانا محمد سعید یوسف خان نے کہا ہے کہ قضیہ کشمیر اسی طرح قائم ہے، اس پہ کوئی خاص پیش رفت نہیں ہو رہی ہے۔ پاکستان کو الحمدللہ معرکہ حق میں جو برتری ملی تھی اور پوری دنیا نے اس میں جس طرح پاکستان کو خراج تحسین پیش کیا، ہمیں امید تھی کہ اس میں مسئلہ کشمیر کو بھی اتنی ہی اہمیت دی جائے گی۔

یہ بھی پڑھیں: انکم ٹیکس، شہریت اور سول سرونٹس ترمیمی بلز کثرت رائے سے منظور

کشمیریوں کی قربانیاں

ان کا کہنا تھاکہ کشمیریوں نے لازوال قربانیاں دی ہیں، اپنی جان، مال، عزت سب کچھ آزادی کے لیے قربان کردیا ہے اور نوجوانان مقبوضہ کشمیر مسلسل جام شہادت نوش کررہے ہیں۔ ہماری دعا ہے کہ اللہ رب العزت کشمیریوں کو اس جدوجہد میں کامیابی عطا فرمائے۔

یہ بھی پڑھیں: محکمہ تعلیم (پیکٹا) کی 4 روزہ انٹرنیشنل ورکشاپ ختم، بین الاقوامی ماہرین تعلیم کی شرکت، گلوبل سٹیزن شپ ان ایجوکیشن پر ٹریننگ دی۔

اللہ کی مدد کا یقین

مولانا سعیدیوسف نے کہا کہ مجھے اس بات کا مکمل یقین ہے کہ اللہ رب العزت ان کی شہادتوں کو ہرگز ضائع نہیں فرمائیں گے۔ ''یقینی طور پر ان کا خون اور ان کی محنتیں اور ان کی جدوجہد ثمر لائے گی۔ سردی کی رات جتنی لمبی کیوں نہ ہو، سحر اس کا مقدر ہوتی ہی ہے۔ اسی طرح ظلم و جبر کی رات جتنی لمبی کیوں نہ ہو آزادی کا سویرا طلوع ہو کر رہتا ہے۔

افواج پاکستان کی قیامتی قوت

ان کا مزید کہناتھا کہ افواج پاکستان نے جس دلیری کے ساتھ ہندوستان کا مقابلہ کیا وہ قابل فخر ہے اور پوری قوم نے ان کو اس پر خراج تحسین بھی پیش کیا۔ ہم امید کرتے ہیں اسی جرات اور اسی ہمت کے ساتھ قضیہ کشمیر کو بھی لے کر ہمارے ذمہ داران آگے چلتے رہیں۔ ان شاءاللہ العزیز منزل زیادہ دور نہیں۔