شانگلہ: آسمانی بجلی گرنے سے ایک ہی خاندان کے 3 افراد جاں بحق

افسوسناک واقعہ

شانگلہ(ڈیلی پاکستان آن لائن) گھر پر آسمانی بجلی گرنے سے میاں بیوی بچے سمیت جاں بحق ہوگئے جبکہ 2 بچے محفوظ رہے۔

یہ بھی پڑھیں: عمران خان کے بچوں کی پاکستان آمد کے اعلان سے مومینٹم بن رہا تھا لیکن بار بار علی امین گنڈاپور کے اعلانات سے مومینٹم ٹوٹ جاتا ہے، بیرسٹر سعد رسول

تفصیلات

نجی ٹی وی چینل دنیا نیوز کے مطابق خیبر پختونخوا کے ضلع شانگلہ کی تحصیل الپوری میں ایک افسوسناک واقعہ پیش آیا، جہاں گھر پر آسمانی بجلی گرنے کے نتیجے میں ایک ہی خاندان کے تین افراد جاں بحق ہو گئے۔

یہ بھی پڑھیں: امریکا نے ایران پر نئی پابندیاں عائد کرنے کا اعلان کر دیا

واقعے کا وقت اور متاثرین

ریسکیو حکام نے بتایا آسمانی بجلی گھر پر اس وقت گری جب خاندان کے افراد اندر موجود تھے، واقعے کے نتیجے میں میاں، بیوی اور ان کا ایک بچہ موقع پر ہی دم توڑ گئے، جبکہ گھر میں موجود دو دیگر بچے خوش قسمتی سے محفوظ رہے۔

ریسکیو کارروائی

واقعے کی اطلاع ملتے ہی ریسکیو ٹیمیں جائے وقوعہ پر پہنچ گئیں اور جاں بحق افراد کی لاشوں کو ضروری کارروائی کے لیے قریبی ہسپتال منتقل کر دیا گیا ہے۔