زوہیب پاکستان ٹینس رینکنگز میں انڈر 14 کیٹگری کے نمبر 1 کھلاڑی بن گئے

زوہیب افضل ملک کی شاندار کامیابی

لاہور(ڈیلی پاکستان آن لائن) پاکستان کے نوجوان ٹینس اسٹار زوہیب افضل ملک نے پاکستان ٹینس فیڈریشن کی تازہ ترین رینکنگز میں انڈر 14 کیٹگری میں پہلی پوزیشن حاصل کرلی۔ یہ کامیابی زوہیب کے ابھرتے ہوئے ٹینس کیریئر کا ایک اہم سنگ میل ہے اور ان کی انتھک محنت اور لگن کا منہ بولتا ثبوت ہے۔

یہ بھی پڑھیں: محمود غزنوی کی طرح حملے کرتے رہیں گے، علی امین گنڈا پور کا بیان

ACE ٹینس اکیڈمی کا کردار

زوہیب کی اس شاندار کامیابی میں ACE ٹینس اکیڈمی نے کلیدی کردار ادا کیا۔ پاکستان کے ٹینس لیجنڈز، جن میں اعصام الحق (ACE ٹینس اکیڈمی کے مالک)، کوچ عقیل خان، کوچ محمد خالد، اور ٹرینر محمد ارشد جاوید شامل ہیں، نے ان کی رہنمائی اور حوصلہ افزائی میں اہم کردار ادا کیا۔ ان سب کی مشترکہ کوششوں نے زوہیب کو کامیابی کے اس مقام تک پہنچایا۔

شکریہ کے الفاظ

زوہیب نے اپنی کامیابی میں مدد فراہم کرنے پر SA گارڈنز کا شکریہ ادا کیا اور لاہور گرامر اسکول (LGS) فیز 5 کی بھرپور حمایت کو سراہا، جن کی بدولت زوہیب اپنے شوق کو اعلیٰ سطح پر جاری رکھ سکے۔ زوہیب نے تھائی لینڈ کی ٹروپس اکیڈمی کا بھی شکریہ ادا کیا، جہاں انہوں نے اپنی مہارت کو نکھارنے اور بین الاقوامی چیلنجز کے لیے تیار ہونے میں مدد فراہم کی۔