شام میں عبوری حکومت بنانے کی ذمہ داری محمد البشیر کے سپرد

محمد البشیر کو عبوری حکومت کی ذمہ داری سونپی گئی

دمشق(ڈیلی پاکستان آن لائن) شام میں عبوری حکومت بنانے کی ذمہ داری محمد البشیر کے سپرد کردی گئی۔ شامی میڈیا کے مطابق ملٹری آپریشنز ڈیپارٹمنٹ کے کمانڈر احمد الشرع نے محمد البشیر سے ملاقات کی، اس دوران یہ اطلاعات سامنے آئیں کہ محمد البشیر کو شام میں عبوری حکومت کی تشکیل کی ذمہ داری سونپی گئی ہے۔

یہ بھی پڑھیں: پیپلزپارٹی کا وفاقی بجٹ 26-2025 کے حق میں ووٹ دینے کا فیصلہ

ملاقات کا مقصد

میڈیا رپورٹ کے مطابق یہ بات شامی مسلح حزب اختلاف کے آپریشنز کے کمانڈر احمد الشرع، وزیراعظم محمد الجلالی اور سالویشن گورنمنٹ کے سربراہ محمد البشیر کے درمیان ہونے والی اس ملاقات کے بعد سامنے آئی ہے جس کا مقصد اقتدار کی منتقلی کے انتظامات کا تعین کرنا اور شام کو افراتفری کی حالت میں داخل ہونے سے بچانا ہے۔

یہ بھی پڑھیں: لاہور میں لڑکیوں کو اوباش نوجوانوں سے بچانے کے لیے خواتین اہلکار تعینات کی گئیں تو لڑکوں نے پولیس والیوں سے ان کے ہی نمبر مانگنا شروع کر دیے۔

دمشق میں حالات میں بہتری

دوسری جانب شامی دارالحکومت دمشق میں حالات معمول پر آنے لگے، جنگجوؤں نے دن کے اوقات میں دمشق سے کرفیو اٹھانے کا اعلان کر دیا، بینک بھی کھولنے کی منظوری دے دی گئی۔

یہ بھی پڑھیں: کیا پاکستان بٹ کوائن خریدے گا؟ کرپٹو کونسل کے چیئرمین بلال بن ثاقب کا بڑا اعلان

محمد البشیر کی تعلیمی اور پیشہ ورانہ پس منظر

شامی میڈیا کے مطابق محمد البشیر نے 2007ء میں حلب یونیورسٹی سے شعبہ ابلاغیات میں الیکٹریکل اور الیکٹرانک انجینئرنگ کی ڈگری حاصل کی، انہوں نے 2011ء میں شامی گیس کمپنی سے منسلک گیس پلانٹ میں پریزیشن انسٹرومینٹیشن ڈیپارٹمنٹ کے سربراہ کے طور پر کام کیا، اڑھائی سال وزارت اوقاف میں تعلیم، تربیت و رہنمائی میں امور شریعہ کے ڈائریکٹر بھی رہے۔

سالویشن گورنمنٹ میں کردار

سالویشن گورنمنٹ میں ان کے پروفائل کے مطابق انہوں نے 2021ء میں ادلب یونیورسٹی سے شریعہ اور قانون میں ڈگری حاصل کی اور منصوبہ بندی اور انتظامی تنظیم کے اصولوں میں سرٹیفکیٹ حاصل کیا، محمد البشیر سالویشن گورنمنٹ میں 2022ء اور 2023ء میں ترقی اور انسانی امور کے وزیر رہے، وہ 1983ء میں ادلب گورنری کے جنوب میں جبل الزاویہ میں پیدا ہوئے۔