مارک زکربرگ کی مستقبل کے بارے میں حیران کن پیشگوئی

میٹا CEO کی حیران کن پیشگوئی

واشنگٹن (ڈیلی پاکستان آن لائن) میٹا کے چیف ایگزیکٹو مارک زکربرگ نے مستقبل کے بارے میں بہت حیران کن پیشگوئی کی ہے۔ نجی ٹی وی جیونیوز کے مطابق ان کا ماننا ہے کہ مستقبل میں آرٹی فیشل انٹیلی جنس (اے آئی) ٹیکنالوجی دوستوں، بزنس ایجنٹس، تھراپسٹ اور دیگر کی جگہ آپ کی زندگی کا حصہ بن جائے گی۔

یہ بھی پڑھیں: پہلے راؤنڈ میں شکست کے بعد بھارتی فضائیہ مقابلے سے ہی بھاگ گئی، دوبارہ پاکستان کے بارڈر پر طیارے نہیں لائی” پاک فضائیہ کے ڈپٹی چیف کا انکشاف

ڈیجیٹل مستقبل کا تصور

وال سٹریٹ جرنل کے مطابق ایک کانفرنس کے دوران مارک زکربرگ نے ایسے ڈیجیٹل مستقبل کا تصور پیش کیا جس میں اے آئی دوستوں کی تعداد حقیقی انسانوں کو پیچھے چھوڑ دے گی جبکہ اے آئی چیٹ بوٹ تھراپسٹ، اشتہاری ایجنسیوں اور کوڈرز کا متبادل ثابت ہوں گے۔

یہ بھی پڑھیں: اسلام آباد میں سنگین واردات کی صورت میں متعلقہ افسر کے خلاف ایکشن کا اعلان

دوستی کی خواہش اور اے آئی کا حل

مارک زکربرگ نے کہا کہ حقیقی دنیا میں لوگ زیادہ دوست اور سماجی رابطے چاہتے ہیں مگر روزمرہ کی مصروفیات کے باعث زیادہ دوست بنانا مشکل ہو جاتا ہے۔ انہوں نے مزید بتایا کہ ان کا ماننا ہے کہ ہر فرد اوسطاً 15 افراد کو دوست بنانے کا خواہشمند ہوتا ہے مگر ان کو سنبھالنا بہت مشکل ہو جاتا ہے۔

یہ بھی پڑھیں: پی ٹی آئی نے سول نافرمانی سے متعلق عملی اقدامات روک لئے

تحقیق کا حوالہ

انہوں نے 2021 کی ایک تحقیق کا حوالہ بھی دیا جس کے مطابق اوسطاً ہر امریکی شہری کے 3 سے بھی کم دوست ہیں۔ انہوں نے کہا کہ یہی وجہ ہے کہ اے آئی ٹیکنالوجی ان افراد کے لیے بہترین حل ثابت ہوگی جو زیادہ دوست چاہتے ہیں یا علاج کے لیے ڈاکٹروں تک رسائی میں مشکلات کا سامنا کرتے ہیں۔

تھراپی کی دستیابی

انہوں نے کہا کہ 'ایسے افراد جن کو تھراپسٹ تک رسائی نہیں ملتی وہ کسی اے آئی سے مدد حاصل کرسکیں گے'۔ مارک زکربرگ نے کہا کہ اے آئی تنہا افراد کی پسند اور ترجیحات کو جاننے کے بارے میں حقیقی دوستوں یا رشتے داروں سے زیادہ بہتر کام کرسکتی ہے۔ ان کا کہنا تھا کہ 'میرے خیال میں لوگ ایسے سسٹم کو پسند کریں گے جو ان کو اچھی طرح سمجھتا ہو'۔