عمران خان پاکستان تحریک انصاف کے پیٹرن انچیف بن گئے

عمران خان کا نیا عہدہ

راولپنڈی (ڈیلی پاکستان آن لائن) عمران خان پاکستان تحریک انصاف کے پیٹرن انچیف بن گئے۔

یہ بھی پڑھیں: اسلام آباد میں ژالہ باری کے بعد گاڑیوں کی ونڈ اسکرین اور شیشوں کی قیمتوں میں اضافہ، شہری نئی پریشانی میں مبتلا

اڈیالہ جیل میں ملاقات

اڈیالہ جیل میں بانی سے ملاقات کے بعد میڈیا سے گفتگو کرتے ہوئے بیرسٹر گوہر نے کہا کہ بانی نے کہا ہے وہ آج سے پی ٹی آئی کے پیٹرن انچیف ہوں گے۔ پہلے کی طرح تمام فیصلے بانی پی ٹی آئی ہی کریں گے۔ ان کا کہنا تھا کہ مجھے چیئرمین شپ سے ہٹانے کی خبریں محض افواہ ہیں، بانی پی ٹی آئی پیٹرن انچیف اور میں چیئرمین رہوں گا۔

یہ بھی پڑھیں: ٹاپ بیورو کریسی کیلئے اچھی خبر آ گئی

احتجاجی تحریک کا اعلان

بیرسٹر گوہر کا کہنا تھا کہ بانی نے کہا ہے کہ احتجاجی تحریک کے سوا کوئی راستہ نہیں، اسلام آباد کے بجائے پورے ملک میں احتجاج ہوگا۔ بانی نے کہا ہے کہ احتجاجی تحریک کی قیادت وہ خود کریں گے۔ تحریک سے متعلق تمام ہدایات عمر ایوب کو دی جائیں گی۔ ان کا کہنا تھا کہ احتجاج کا ٹائم فریم بانی پی ٹی آئی خود دیں گے اور مختلف افراد کو ذمہ داری دی جائے گی۔ احتجاج کی ذمہ داری اب صرف علی امین گنڈا پور پر نہیں ہوگی۔

بات چیت کا امکان

بیرسٹر گوہر نے کہا کہ بانی نے پارٹی قیادت پر کوئی عدم اعتماد نہیں کیا۔ ہمیشہ کوشش رہی کہ مسائل بات چیت سے حل ہوں، اور اب بھی بات چیت سے مسائل حل کرنا چاہتے ہیں۔ بانی نے ہمیشہ لچک اور بات چیت کو ترجیح دی۔ ان کا کہنا تھا کہ سمبڑیال الیکشن میں دھاندلی ہوئی، ہم نے مشکل حالات میں حکومت کا ساتھ دیا۔ مخصوص نشستوں پر عدالتیں فیصلہ نہیں کر رہیں۔ ان کا مزید کہنا تھا کہ ہماری کسی سے کوئی بات نہیں ہورہی اور اسٹیبلشمنٹ سے مذاکرات کا آپشن کھلا رکھا ہے۔