پاکستانی فضائی حدود مزید ایک ماہ کیلئے بھارتی طیاروں کیلئے بند رکھنے کا فیصلہ

پاکستان کی فضائی حدود کا بھارتی طیاروں کے لئے بند رہنے کا فیصلہ

اسلام آباد (ڈیلی پاکستان آن لائن) بھارت کے طیاروں کی پاکستانی فضائی حدود آج سے مزید ایک ماہ کے لئے بند رکھنے کا فیصلہ کیا گیا ہے۔

یہ بھی پڑھیں: پولیو کے خاتمے میں رکاوٹیں ڈالی جاتی ہیں جو انتہائی تشویشناک ہے:وزیراعظم

پاک بھارت کشیدگی اور فضائی حدود کی بندش

نجی ٹی وی چینل جیو نیوز کے مطابق ایوی ایشن ذرائع کا کہنا ہے کہ پاک بھارت کشیدگی کے بعد پاکستان نے 24 اپریل کو بھارتی طیاروں کے لئے پاکستانی فضائی حدود بند کی تھی، جس میں مزید ایک ماہ کی توسیع 23 مئی کو کی گئی تھی، جو آج ختم ہو رہی ہے۔

یہ بھی پڑھیں: پراپرٹی اونرشپ کے تحت کارروائیوں کیخلاف تمام درخواستیں فل بنچ کو بھجوا دی گئیں۔

نوٹم کی اشاعت

بھارتی طیاروں کے لئے پاکستانی فضائی حدود کی مزید بندش کا فیصلہ آج سے نافذ العمل ہے۔ اس سلسلے میں نوٹم سہ پہر تک جاری کردیا جائے گا۔

جوابی کارروائی

یاد رہے کہ بھارت نے بھی جواباً پاکستانی طیاروں کے لئے اپنی فضائی حدود بند کرنے کا فیصلہ کیا ہے۔