کراچی میں زمین بوس ہونے والی عمارت میں کتنے خاندان رہائش پذیر تھے؟ علاقہ مکین کا اہم بیان

کراچی کی رہائشی عمارت میں حادثہ

کراچی(ڈیلی پاکستان آن لائن) کراچی کے علاقے لی مارکیٹ میں 5 منزلہ رہائشی عمارت ملبے کا ڈھیر بن گئی، جس کے ملبے میں متعدد افراد کے دبے ہونے کی اطلاعات ہیں۔

یہ بھی پڑھیں: نئی تاریخ رقم: سٹاک مارکیٹ نے پہلی بار 85 ہزار پوائنٹس کی حد عبور کی

علاقہ مکین کی معلومات

نجی ٹی وی چینل جیو نیوز کے مطابق، علاقہ مکین کا کہنا ہے کہ متاثرہ عمارت میں 6 خاندان رہائش پذیر تھے۔ حادثے کی اطلاع ملتے ہی ریسکیو ٹیمیں اور دیگر ادارے جائے وقوعہ پر پہنچ گئے ہیں۔

یہ بھی پڑھیں: وی پی این پر پابندی سے متعلق پی ٹی اے کا اہم فیصلہ سامنے آگیا

زخمیوں کی حالت

عمارت کے ملبے سے 6 افراد کو زخمی حالت میں نکال لیا گیا جن میں ایک خاتون بھی شامل ہے۔ زخمی خاتون کی عمر 40 سال ہے، جسے متعدد فریکچرز اور زخم آئے ہیں۔ ریسکیو اہلکار امدادی کارروائیوں میں مصروف ہیں۔

ہسپتال کی رپورٹ

ادھر ہسپتال حکام کا کہنا ہے کہ سول ٹراما سینٹر میں 6 زخمیوں کو لایا گیا ہے، ایک زخمی کی حالت تشویشناک ہے جبکہ 5 زخمیوں کو معمولی زخم آئے ہیں جن کا علاج جاری ہے۔