بھارت میں ہسپتال لے جاتے ایمبولینس میں بے ہوش خاتون کے ساتھ اجتماعی زیادتی

بھارت میں افسوسناک واقعہ

ممبئی (ڈیلی پاکستان آن لائن) بھارت میں ہسپتال جاتے ہوئے بےہوش خاتون کو ایمبولینس میں مبینہ اجتماعی زیادتی کا نشانہ بنادیا گیا۔

یہ بھی پڑھیں: اسپیکر قومی اسمبلی نے جوڈیشل کمیشن رکن کیلئے بیرسٹر گوہر کا نام سپریم کورٹ کو بھجوادیا

واقعہ کی تفصیلات

بھارتی میڈیا کے مطابق ریاست بہار کے گاؤں بودھ گیا میں پولیس میں بھرتی کیلئے ٹیسٹ کا انعقاد کیا گیا، جہاں ٹیسٹ کیلئے دوڑ میں شریک ہونے والی 26 سالہ خاتون امیدوار بےہوش ہوگئی، جسے طبی امداد کیلئے اسپتال روانہ کیا گیا۔

یہ بھی پڑھیں: سارہ شریف کے والد اور سوتیلی والدہ کا پاکستان میں روپوش ہونا: “بین الاقوامی تلاش کے آپریشن کے دوران میں نے انہیں چھپایا تھا”

الزام اور تحقیقات

رپورٹس میں بتایا گیا ہے کہ اسپتال جاتے ہوئے خاتون امیدوار کو ڈرائیور اور ٹیکنیشن نے مبینہ طور پر اجتماعی زیادتی کا نشانہ بنایا۔ خاتون کے اہل خانہ نے پولیس کو شکایت درج کروائی کہ بھرتی کے لیے صرف خواتین امیدواروں کے آنے کے باوجود ایمبولینس میں کوئی خاتون عملہ موجود نہیں تھا۔

پولیس کی کارروائی

پولیس کے مطابق واقعے کے بعد ملزمان کی شناخت کرکے انہیں گرفتار کر لیا گیا، جب کہ خاتون کا بیان قلم بند کرنے کے بعد طبی معائنہ بھی کروایا گیا ہے۔