وزیراعلیٰ کا گوجرانوالہ میں 13 سالہ گھریلو ملازمہ کے قتل کا نوٹس، آر پی او سے رپورٹ طلب

وزیراعلیٰ پنجاب کا نوٹس

لاہور (ڈیلی پاکستان آن لائن) وزیراعلیٰ پنجاب مریم نواز نے گوجرانوالہ میں 13 سالہ گھریلو ملازمہ پر مبینہ تشدد اور قتل کے واقعہ کا سخت نوٹس لیا ہے۔

یہ بھی پڑھیں: نوشہرہ، مسجد کے لاﺅڈ سپیکر کے غلط استعمال، پولیس کو دھمکیاں دینے پر شہری کیخلاف پیکا کے تحت مقدمہ درج

واقعہ کی رپورٹ کا مطالبہ

وزیر اعلیٰ مریم نواز نے آر پی او گوجرانوالہ سے واقعہ کی رپورٹ طلب کر لی ہے۔ وزیر اعلیٰ نے سوگوار خاندان سے دلی ہمدردی اور تعزیت کا اظہار کیا ہے۔

ملزمان کے خلاف کارروائی

وزیراعلیٰ مریم نواز نے کہا کہ واقعہ میں ملوث ملزمان کو فوری گرفتار کر کے قانون کے مطابق سخت سے سخت کارروائی عمل میں لائی جائے۔ معصوم بچی کے ساتھ ظلم کرنے والے کسی رعایت کے مستحق نہیں۔ ورثاء کو ہر قیمت پر انصاف فراہم کیا جائے گا۔