صوبائی وزیر رمیش سنگھ اروڑہ کا گوردوارہ کرتارپور صاحب کا دورہ، 30 افراد کو ریسکیو کر لیا گیا۔

لاہور (ڈیلی پاکستان آن لائن) صوبائی وزیر اقلیتی امور رمیش سنگھ اروڑہ نارووال پہنچ گئے، بارشوں اور سیلاب سے متاثرہ علاقوں کا دورہ کیا۔

گورودوارہ کرتارپور صاحب میں بروقت کارروائیوں سے 30 افراد کو ریسکیو کر لیا گیا۔

اس موقع پر رمیش سنگھ اروڑہ نے کہا کہ باقی متاثرہ افراد کو بھی جلد محفوظ مقامات پر منتقل کر دیا جائے گا، ذاتی طور پر امدادی کارروائیوں کی نگرانی کر رہا ہوں۔

وزیراعلیٰ پنجاب اور چیف سیکرٹری پنجاب کا شکریہ ادا کرتا ہوں، حکومت پنجاب کی بروقت امدادی کارروائیوں سے قیمتی جانیں محفوظ رہیں۔ ریسکیو، پولیس اور ضلعی انتظامیہ سیلاب متاثرین کی مدد میں مصروف ہے، حفاظتی انتظامات کا جائزہ لیا جا رہا ہے۔