وفاقی حکومت کا خیبرپختونخوا میں پانچ افغان مہاجرین کیمپس بند کرنے کا فیصلہ

افغان مہاجرین کی واپسی

اسلام آباد(ڈیلی پاکستان آن لائن) وفاقی حکومت نے خیبرپختونخوا کے پانچ افغان مہاجرین کیمپس بند کرنے کا فیصلہ کر لیا ہے۔ وزارت سیفران نے اس سلسلے میں باضابطہ نوٹیفکیشن جاری کر دیا۔

یہ بھی پڑھیں: پاکستان میں رواں ہفتے گرمی کا عالمی ریکارڈ بن سکتا ہے: امریکی اخبار نے خبردار کر دیا

بند کی جانے والی کیمپس کی تفصیلات

نجی ٹی وی سما نیوز کے مطابق، بند کیے گئے کیمپس میں تین ہری پور، ایک چترال اور ایک دیر اپر شامل ہیں۔ صوبائی حکومت اور متعلقہ ڈپٹی کمشنرز کے حوالے زمین دینے کے احکامات بھی جاری کیے گئے ہیں۔ ذرائع کے مطابق، ہری پور کے پنیان کیمپ میں گزشتہ چالیس برس سے ایک لاکھ سے زائد افغان مہاجرین رہائش پذیر ہیں۔

یو این ایچ سی آر کی رپورٹ

یو این ایچ سی آر کا کہنا ہے کہ افغان مہاجرین کی سب سے بڑی تعداد اس وقت خیبرپختونخوا میں موجود ہے۔ دوسری جانب، وزیراعلیٰ خیبرپختونخوا علی امین گنڈاپور افغان مہاجرین کی زبردستی وطن واپسی کے خلاف اپنے تحفظات کا اظہار کر چکے ہیں۔