ٹانک: مسلح افراد نے گرلز پرائمری سکول دھماکے سے تباہ کردیا
ٹانک میں بم دھماکہ
ٹانک(ڈیلی پاکستان آن لائن) خیبرپختونخوا کے ضلع ٹانک میں گزشتہ شب نامعلوم مسلح افراد نے گرلز پرائمری سکول کو بم سے اڑا دیا۔
یہ بھی پڑھیں: چین، روس، قطر اور ایران نے پاکستان اور افغانستان کے درمیان کشیدگی پر ثالثی کا کردار ادا کرنے کی پیشکش کردی
پولیس کی رپورٹ
روزنامہ جنگ کے مطابق ڈسٹرکٹ پولیس آفیسر ضلع ٹانک شبیر حسین شاہ کے مطابق ٹانک کے نواحی علاقے گرہ بڈھا میں نامعلوم مسلح افراد نے گزشتہ شب گرلز پرائمری سکول کو بم سے اڑایا۔
یہ بھی پڑھیں: پارٹی میں موروثیت کی کوئی جگہ نہیں پھر علیمہ خانم نے خود کیوں احتجاج کی کال دی؟ علی محمد خان کی مبینہ آڈیو لیک
دھماکے کی شدت
دہشتگردوں نے سکول کی عمارت میں بم نصب کیا تھا جو زوردار دھماکے سے پھٹا جس کی آواز دور دور تک سنی گئی، دھماکے سے سکول کی عمارت مکمل طور پر تباہ ہوگئی۔
یہ بھی پڑھیں: سابق وزیر اعلیٰ خیبر پختونخوا علی امین گنڈاپور کو اشتہاری قرار دینے کی کارروائی شروع ہو گئی
علاقے کی صورتحال
علاقے کے عمائدین کے مطابق ضلع بھر میں امن و امان کی صورتحال انتہائی غیر تسلی بخش ہے اور کسی کا جان و مال محفوظ نہیں ہے۔
پچھلے واقعات
واضح رہے کہ اس سے قبل بھی کئی تدریسی عمارتوں کو نقصان پہنچایا جاچکا ہے۔
