خیبر پختونخوا میں دو الگ کارروائیوں میں 15 خوارج ہلاک، آئی ایس پی آر

سیکیورٹی فورسز کی بڑی کامیابی

راولپنڈی (ڈیلی پاکستان آن لائن) سیکیورٹی فورسز نے خیبر پختونخوا میں دو مختلف کارروائیوں کے دوران 15 خوارج کو ہلاک کردیا۔

یہ بھی پڑھیں: محبت کی شادی پھر طلاق، تیونس سے آئی لڑکی کو سفارتخانے نے اسلام آباد پہنچا دیا

انٹیلی جنس بیسڈ آپریشنز

پاک فوج کے شعبۂ تعلقات عامہ (آئی ایس پی آر) کے مطابق، 15 اور 16 نومبر کے دوران کیے گئے دو مختلف انٹیلی جنس بیسڈ آپریشنز میں ’’انڈین پراکسی فتنہ الخوارج‘‘ سے تعلق رکھنے والے 15 دہشت گرد مارے گئے۔

یہ بھی پڑھیں: اسلام آباد میں گدھوں کو ذبح کرنے کے لیے قصائی بیرونِ ملک سے بلوایا گیا تھا

پہلا آپریشن: ڈیرہ اسماعیل خان

آئی ایس پی آر کے مطابق، ضلع ڈیرہ اسماعیل خان کے علاقے کلاچی میں خفیہ اطلاعات کی بنیاد پر ایک آپریشن کیا گیا۔ اس کارروائی کے دوران سیکیورٹی فورسز نے دہشت گردوں کے ٹھکانے کو مؤثر طور پر نشانہ بنایا، جس کے نتیجے میں 10 دہشت گرد ہلاک ہوئے، جن میں ان کے سرغنہ عالم محسود بھی شامل ہے۔

یہ بھی پڑھیں: بھارت نے افغان شہریوں کیلئے ایمرجنسی ویزا ختم کرکے نیا ویزا سسٹم متعارف کروادیا۔

دوسرا آپریشن: شمالی وزیرستان

ایک اور انٹیلی جنس بیسڈ آپریشن شمالی وزیرستان کے علاقے دتہ خیل میں کیا گیا، جہاں فورسز نے مزید 5 دہشت گردوں کو ہلاک کر دیا۔

جاری کارروائیاں

آئی ایس پی آر کے مطابق، علاقے میں کلیئرنس اور سینیٹائزیشن آپریشنز جاری ہیں تاکہ کسی بھی ’’بھارتی سرپرستی یافتہ‘‘ دہشت گرد کو مکمل طور پر ختم کیا جا سکے۔ بیان میں کہا گیا ہے کہ قومی ایکشن پلان کے تحت وفاقی ایپکس کمیٹی کی منظوری سے شروع کیے گئے وژن "عزمِ استحکام" کے مطابق سیکیورٹی فورسز اور قانون نافذ کرنے والے اداروں کی انسدادِ دہشت گردی کی مہم پوری رفتار سے جاری رہے گی، اور ملک سے بیرونی حمایت یافتہ دہشت گردی کے خاتمے تک یہ کارروائیاں جاری رکھی جائیں گی۔