بھارت کے معروف گلوکار ٹریفک حادثے میں جاں بحق

ہرمن سدھو کی افسوسناک موت

نئی دہلی (ڈیلی پاکستان آن لائن) بھارت کے معروف پنجابی گلوکار ہرمن سدھو ٹریفک حادثے میں جاں بحق ہوگئے۔

یہ بھی پڑھیں: انسٹاگرام پر بھارتی اداکارہ کی بولڈ تصاویر لائیک کرنے پر کوہلی کو وضاحت دینا پڑ گئی

حادثے کی تفصیلات

بھارتی میڈیا کے مطابق جمعہ کی شام پنجاب کے ضلع مانسا میں مشہور پنجابی گلوکار ہرمن سدھو کی کار کو ایک حادثہ پیش آیا۔

رپورٹ میں بتایا گیا کہ ہرمن سدھو اپنے گاؤں واپس جا رہے تھے کہ مانسا، پٹیالہ روڈ پر ایک پیلس کے قریب ان کی کار سامنے سے آنے والے ٹرک سے ٹکرا گئی۔ ٹکر اتنی شدید تھی کہ گاڑی مکمل طور پر تباہ ہوگئی اور گلوکار موقع پر ہی دم توڑ گئے۔ ان کی عمر 37 سال تھی۔

یہ بھی پڑھیں: ایرانی صدر کا سعودی ولی عہد محمد بن سلمان سے ٹیلی فونک رابطہ

شوبز انڈسٹری کا سوگ

ہرمن سدھو نے ’پیپر جا پیار‘ گانے سے شہرت حاصل کی تھی۔ ان کی آواز اور سادگی نے انہیں مقامی سطح پر بہت مقبول بنایا۔ ان کی اچانک موت نے پوری بھارتی شوبز انڈسٹری کو سوگوار کر دیا ہے۔

مشہور گانے

ان کے مقبول گانوں میں ’کوئی چکر نئیں‘، ’بیبے باپو‘، ’ببّر شیر‘، ’ملتان VS رشیا‘ شامل ہیں۔