ہم بھارت کے افغان سرزمین استعمال کرنے سے خوفزدہ نہیں، طاہر محمود اشرفی

پاکستان علماء کونسل کے چیئرمین کی وضاحت

اسلام آباد (ڈیلی پاکستان آن لائن) پاکستان علماء کونسل کے چیئرمین حافظ طاہر محمود اشرفی نے کہا ہے کہ ہم بھارت کے افغان سر زمین استعمال کرنے سے خوفزدہ نہیں۔

یہ بھی پڑھیں: اسلام آباد ہائی کورٹ نے سی ڈی اے ختم کرنے کا عدالتی حکم معطل کر دیا

بھارت کا 30 سالہ رویہ

ایک بیان میں علامہ طاہر اشرفی نے کہا کہ بھارتی مسلمانوں کے مذہبی لیڈر مولانا ارشد مدنی کا بیان زیرِ بحث ہے، اللہ کا شکر ہے کہ ہمیں پاکستان جیسی نعمت ملی۔

انہوں نے مزید کہا کہ بھارت گزشتہ 30 سال سے پاکستان کے خلاف افغان سرزمین استعمال کر رہا ہے لیکن ہم کسی سے خوفزدہ نہیں۔

یہ بھی پڑھیں: الیکٹریکل گاڑیوں کے حوالے سے اہم فیصلہ

بھارت میں مسلمانوں کی صورتحال

چیئرمین پاکستان علماء کونسل نے کہا کہ لندن یا نیویارک میں تو مسلمان میئر بن سکتا ہے، جبکہ بھارت میں 30 کروڑ سے زائد مسلمان ہیں مگر وہ کسی یونیورسٹی میں اپنا وائس چانسلر نہیں لگا سکتے۔ اسی طرح بھارت میں عیسائیوں اور سکھوں کی صورتحال بھی مختلف نہیں ہے۔

یہ بھی پڑھیں: شعیب اور اشنا شہریار ملک میموریل پاکستان اوپن ٹینس چیمپئن شپ میں فاتح

پاکستان اور افغانستان کے تعلقات

اُن کا کہنا ہے کہ آج پاکستان کے خلاف افغانستان اپنی دوستی بھارت سے بڑھا رہا ہے، یہ افغانوں کو مبارک ہو، ہم ان سے خوفزدہ نہیں۔

تاریخی فتح کا ذکر

طاہر اشرفی نے یہ بھی کہا کہ یہ دونوں مل کر بھی پاکستان کا کچھ نہیں کر سکتے، جیسا کہ 9 مئی کو اللہ تعالیٰ نے پاکستان کو فتح دی، وہی آگے بھی مدد کرے گا۔