خیبر پختونخوا کابینہ نے 9 مئی کے مقدمات ختم کرنے کی منظوری دے دی

خیبر پختونخوا کابینہ کی اہم منظوری

پشاور (ڈیلی پاکستان آن لائن) خیبر پختونخوا کابینہ نے 9 مئی کیسز کے خاتمے کی منظوری دے دی ہے۔ کابینہ نے 9 مئی واقعات کی انکوائری کے لئے کمیٹی تشکیل دینے کی بھی منظوری دی۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟

ایڈووکیٹ جنرل خیبر پختونخوا کا بیان

ایڈووکیٹ جنرل خیبر پختونخوا شاہ فیصل اتمان خیل نے جیو نیوز سے گفتگو میں بتایا کہ صوبائی کابینہ اجلاس میں 9 مئی کیسز کے خاتمے کی منظوری دی گئی ہے۔ 51 مقدمات میں ریاست کابینہ کی منظوری کے بعد دستبردار ہوگی۔ 9 مئی کے واقعات کی تحقیقات کے لئے کمیٹی تشکیل دینے کی منظوری بھی دی گئی ہے۔ کابینہ اجلاس میں شرکت کے لئے وزیر اعلیٰ نے انہیں خصوصی طور پر طلب کیا تھا۔

سرکاری ذرائع کی معلومات

سرکاری ذرائع کا کہنا ہے کہ ایڈووکیٹ جنرل آفس نے 51 مقدمات واپس لینے کی سفارشات بھیج دیں۔ پی ٹی آئی اراکین اور کارکنان 9 اور 10 مئی کے مقدمات میں نام زد ہیں۔ مقدمات میں سزا کی صورت میں اراکین اسمبلی کو نااہلی کا خدشہ ہے۔