پنجاب میں سپیشل افراد کے لیے سینٹر آف ایکسیلنس قائم کر رہے ہیں: وزیر اعلیٰ مریم نواز

وزیراعلیٰ پنجاب کا پیغام

لاہور( ڈیلی پاکستان آن لائن ) وزیراعلیٰ پنجاب مریم نواز نے بصارت کی نعمت سے محروم افراد کے رسم الخط ”بریل“ کے عالمی دن پر اپنے پیغام میں بصارت سے محروم افراد کے لئے معاون رسم الخط ”بریل“ کے موجد لوئس بریل کو خراج تحسین پیش کیا اور کہا کہ’’بریل ‘‘ بصارت سے محروم افراد کے لئے علم اور امید کی کرن ہے۔ بصارت سے محروم افراد کی زندگیوں کو علم سے منور کرنے والے قابل تحسین ہیں۔

یہ بھی پڑھیں: جب ایک خاتون نے اپنے حقیقی والدین کی تلاش کی تو ان کے والد ‘فیس بُک دوست’ نکلے

سینٹر آف ایکسیلنس کا قیام

وزیراعلیٰ مریم نواز نے کہا کہ پنجاب میں سپیشل افراد کیلئے سینٹر آف ایکسیلنس قائم کر رہے ہیں۔ بے بصارت افراد کے لئے سینٹر آف ایکسیلنس سپیشل ایجوکیشن سینٹرز میں بریل ریڈنگ سسٹم بھی مہیا کیا گیا ہے۔ سینٹر آف ایکسیلنس سپیشل ایجوکیشن میں بے بصارت افراد کو”بریل“ پر پڑھتے دیکھ کر بے پایاں خوشی ہوئی۔