نسیم شاہ کو جرمانہ

نسیم شاہ پر جرمانہ عائد

دبئی (مانیٹرنگ ڈیسک) پاکستانی فاسٹ بولر نسیم شاہ پر جرمانہ عائد کر دیا گیا۔

یہ بھی پڑھیں: نعمان حبیب نے علیزے شاہ کے ساتھ کام کا تجربہ شیئرکردیا

آئی سی سی کی جانب سے فیصلہ

تفصیلات کے مطابق انٹرنیشنل کرکٹ کونسل (آئی سی سی) نے انٹرنیشنل لیگ ٹی ٹوئنٹی (ILT20) میں ضابطہ اخلاق کی لیول 1 خلاف ورزی پر نسیم شاہ پر جرمانہ عائد کیا۔ انٹرنیشنل لیگ ٹی ٹوئنٹی میں ڈیزرٹ وائپرز کی نمائندگی کرنے والے فاسٹ بولر نسیم شاہ کو اتوار کو دبئی انٹرنیشنل کرکٹ سٹیڈیم میں کھیلے گئے لیگ کے سیزن 4 کے فائنل میں ایم آئی ایمریٹس کے خلاف میچ کے دوران لیول 1 خلاف ورزی پر میچ فیس کا 10 فیصد جرمانہ کیا گیا ہے۔

یہ بھی پڑھیں: ڈی چوک احتجاج کیس؛ تحریک انصاف کی 9 خواتین کارکنان کی ضمانتیں منظور

آئی سی سی کوڈ آف کنڈکٹ کی خلاف ورزی

22 سالہ نسیم شاہ کو آئی سی سی کوڈ آف کنڈکٹ کے آرٹیکل 2.5 کی خلاف ورزی کا مرتکب پایا گیا، جو آؤٹ ہونے کے بعد بیٹر کو اشتعال دلانے یا توہین آمیز رویے، زبان یا اشاروں سے متعلق ہے۔

یہ بھی پڑھیں: امریکا کا جی 20 سربراہی اجلاس میں شرکت نہ کرنے کا اعلان

واقعہ کی تفصیلات

’’جیو نیوز‘‘ کے مطابق یہ واقعہ اتوار کو انٹرنیشنل لیگ ٹی ٹوئنٹی کے کھیلے گئے فائنل کے 11ویں اوور میں پیش آیا، جب ایم آئی ایمریٹس کے کپتان کیرون پولارڈ نے نسیم شاہ کی گیند کا دفاع کیا اور گیند سیدھی نسیم کی طرف گئی۔

تاہم نسیم شاہ نے گیند اٹھا کر مسکراتے ہوئے پولارڈ کی طرف دیکھا، جس پر پولارڈ نے جارحانہ ردِعمل دیا اور دونوں کے درمیان تلخ کلامی شروع ہو گئی۔ اس دوران دونوں کھلاڑی ایک دوسرے کے قریب آ گئے، پولارڈ واضح طور پر غصے میں دکھائی دیئے جبکہ نسیم شاہ بھی جواب دیتے نظر آئے۔ امپائرز اور ڈیزرٹ وائپرز کے کھلاڑیوں نے مداخلت کر کے معاملہ ختم کروایا، تاہم دونوں کھلاڑی ناخوش دکھائی دے رہے تھے۔